വിലക്കയറ്റം തുടരുന്നുണ്ടെങ്കിലും പ്രതിസന്ധിയില്‍ നിന്നകന്ന് ആഗോള സമ്പദ്ഘടന
യുഎസ് കേന്ദ്ര ബാങ്കായ ഫെഡറല്‍ റിസര്‍വ് നിരക്ക് വര്‍ധനയുമായി മുന്നോട്ടുപോകുമെന്നുറപ്പായി. ഫെഡ് മേധാവി ജെറോം പവല്‍ നല്‍കിയ സൂചനകളും ഈയിടെ പുറത്തിറങ്ങിയ അനുകൂലമായ സാമ്പത്തിക കണക്കുകളും അതിനുള്ള സാധ്യത വര്‍ധിപ്പിച്ചിരിക്കയാണ്. വിലക്കയറ്റം നിശ്ചിത പരിധിയിലേക്കു താഴുന്നതുവരെ പലിശ നിരക്ക് കൂട്ടാന്‍തന്നെയാണ് ഫെഡിന്റെ തീരുമാനം.
കഴിഞ്ഞ വര്‍ഷം ഏഴ് തവണയാണ് ഫെഡ് പലിശ നിരക്ക് വര്‍ധിപ്പിച്ചത്. 1980നു ശേഷം ഇത്ര വേഗത്തിലുള്ള നിരക്കുവര്‍ധന ഇതാദ്യമാണ്. എങ്കിലും പലിശ നയത്തിന്റെ കാര്യത്തില്‍ 2023ല്‍ അധികൃതരുടെ സമീപനത്തില്‍ നേരിയ മാറ്റമുണ്ട്. ഫെബ്രുവരിയില്‍ 0.25 ശതമാനം മാത്രമാണ് കൂട്ടിയത്. ഇതോടെ നിരക്ക് 4.5 ശതമാനത്തില്‍ നിന്ന് 4.75 ശതമാനമായി. ഇപ്പോഴത്തെ ഫെഡ് പലിശ നിരക്ക് 2007 നു ശേഷമുള്ള ഏറ്റവും കൂടിയതാണ്. ഈ വര്‍ഷം തന്നെ മുക്കാല്‍ ശതമാനമോ അതിനു മുകളിലോ പലിശ നിരക്കു വര്‍ധനയ്ക്കു സാധ്യതയുമുണ്ട്. മഹാമാരിയുടെ കാലത്ത് പലിശ നിരക്ക് പൂജ്യം ശതമാനത്തിലേക്കു കൊണ്ടുവന്ന് സാമ്പത്തിക ഉത്തേജന നടപടികളിലൂടെയാണ് സമ്പദ് വ്യവസ്ഥയെ പിന്തുണച്ചത്.
Content Highlights: Global economy emerges from crisis despite continued inflation