'എങ്ങനെയാണ് അച്ഛന്‍ അമ്മയെ കൊന്നത്? സ്‌നേഹിക്കാതെ, നല്ല വാക്ക് പറയാതെ'; സാഹിത്യത്തിലെ പിതൃബിംബങ്ങള്‍

#സുസ്മേഷ് ചന്ത്രോത്ത്
ചിത്രീകരണം: മദനന്‍
ചിത്രീകരണം: മദനന്‍

പിതൃബന്ധത്തെക്കുറിച്ച് പറയാന്‍ തുനിഞ്ഞാല്‍ പ്രധാനമായും അതിന്റെ വൈകാരികഭാവങ്ങളെക്കുറിച്ച് വാചാലമാകാനെ കഴിയൂ. ഞാനിവിടെ മുതിരുന്നത് സാഹിത്യത്തില്‍ പിതൃബിംബം എങ്ങനെ പ്രതിഷ്ഠിക്കപ്പെട്ടിട്ടുണ്ട് എന്നന്വേഷിക്കാനാണ്. മനുഷ്യന്‍ സാഹിത്യം കൈകാര്യം ചെയ്യാന്‍ തുനിഞ്ഞ നാളുകള്‍ മുതല്‍ നമുക്ക് ഒട്ടേറെ പിതൃ-മാതൃ മാതൃകകള്‍ സൃഷ്ടിക്കപ്പെട്ടിട്ടുള്ളതായി മനസ്സിലാക്കാന്‍ കഴിയും. പ്രശസ്ത എഴുത്തുകാരനായ ഏണസ്റ്റ് ഹെമിംഗ്​വേയുടെ 'ഒരു തീവണ്ടിയാത്ര' എന്ന കഥയില്‍ ഒരച്ഛനും മകനുമുണ്ട്. 

ജിമ്മി എന്നു പേരുള്ള മകനും അവന്റെ അച്ഛനുംകൂടി നടത്തുന്ന തീവണ്ടിയാത്രയില്‍ നടക്കുന്ന ഒരു സംഭവമായിട്ടാണ് ഹെമിംഗ്​വേ ഈ കഥ പറയുന്നത്. അവരോടൊപ്പം തീവണ്ടിയില്‍ വിലങ്ങിട്ട രണ്ടു കുറ്റവാളികളും രണ്ടു ഡിറ്റക്ടീവുകളുമുണ്ട്. ജിമ്മിയും അച്ഛനും ഈ കാഴ്ച കാണുന്നു. ട്രെയിനിലെ തീന്‍മേശയില്‍വച്ച് നടന്ന വഴക്കിനിടയില്‍ ഡിറ്റക്ടീവ് അറിയാതെ കുറ്റവാളികളിലൊരുവന്‍ മേശയില്‍നിന്നു കത്തി കൈക്കലാക്കി നിഗൂഢമായി ഒളിപ്പിക്കുന്നു. അച്ഛന്‍ ഈ സംഗതി കണ്ടുപിടിക്കുകയും ജിമ്മിയോട് രഹസ്യമായി ഇക്കാര്യം പറയുകയും ചെയ്യുന്നു. മകന്‍ അതിനെത്തുടര്‍ന്ന് കുറ്റവാളികളുടെ അടുത്ത നീക്കമെന്തായിരിക്കുമെന്നറിയാന്‍ ആകാംക്ഷയോടെ ഇരിക്കുന്നു. യാത്ര തുടരുന്നതിനിടയില്‍ കക്കൂസില്‍ പോകണമെന്ന ആവശ്യമുന്നയിച്ച് കുറ്റവാളികളിലൊരാള്‍ ഡിറ്റക്ടീവിനെയും കൂട്ടി കക്കൂസില്‍ കയറുന്നു. തുടര്‍ന്ന് കക്കൂസില്‍വച്ച് നടക്കുന്ന ആക്രമണത്തില്‍ ഡിറ്റക്ടീവിനെ അപായപ്പെടുത്തി കുറ്റവാളി ജനല്‍ പൊളിച്ച് കടന്നുകളയുന്നു. പിന്നീട് കതകിനടിയിലൂടെ വരുന്ന ചോരയാണ് ജിമ്മി കാണുന്നത്. കഥയുടെ അവസാനം അച്ഛന്‍ മകനോട് പറയുന്നു. 

Content Highlights: Write up on fictional characters of father in Malayalam literature

Continue reading