ഒരുപാട് കാലം മരണപ്പെട്ടിരിക്കാന്‍ വേണ്ടിയുള്ള കുറച്ചുകാലത്തെ ജീവിതം

മരണത്തെക്കുറിച്ച് പറയാൻ ദീർഘവീക്ഷണം ആവശ്യമില്ല. ജീവിതത്തിലേക്കുള്ള ചിന്തകൾ തന്നെ ധാരാളമാണ്. മരണത്തെക്കുറിച്ച് മഹന്മാരായ എഴുത്തുകാരുടെ വാക്കുകളിലൂടെ...

ഞാൻ മരണത്തെ ഭയപ്പെടുന്നില്ല. ഞാൻ ജനിക്കുന്നതിന് ശതകോടിക്കണക്കിന് വർഷങ്ങൾ,ക്ക് മുമ്പ് ഞാൻ മരിച്ചിരുന്നു. ചെറിയൊരു അസൗകര്യം പോലും അതുകൊണ്ടുണ്ടായിട്ടില്ല. -മാർക് ട്വെയ്ൻ

നാമെല്ലാവരും മരിക്കാൻ പോകുന്നതിനാൽ തന്നെ എപ്പോൾ, എങ്ങനെ എന്നതെല്ലാം ഒരു പ്രശ്നമല്ലെന്ന് വ്യക്തമായല്ലോ- ആൽബർട് കാമു

മരണം വളരെ നേരത്തേ തന്നെ ആരംഭിക്കുന്നു- ഏതാണ്ട് ജീവിതത്തെ പകുതി പരിചയപ്പെടുന്നതിന് മുമ്പു തന്നെ നിങ്ങളതിനെ കണ്ടുമുട്ടുന്നു- ടെന്നിസീ വില്യംസ്

മരണത്തെ ഭയപ്പെടുന്നിടത്തോളം കാലം മനുഷ്യന് ഒന്നും കൈവശം വക്കാനാവില്ല. പക്ഷേ, അതിനെ ഭയപ്പെടാത്തവന് എല്ലാം അവകാശപ്പെട്ടതാണ്. കഷ്ടപ്പാടുകൾ ഇല്ലായിരുന്നുവെങ്കിൽ മനുഷ്യന് അവന്റെ പരിധികൾ അറിയില്ല, സ്വയം അറിയുകയുമില്ല-ലിയോ ടോൾസ്റ്റോയ്

ജീവിച്ചിരിക്കാനുള്ള കാരണത്തെപ്പറ്റി എന്റെ പിതാവ് പറഞ്ഞതാണെനിക്കോർമ വരുന്നത്, ഒരുപാട് കാലം മരണപ്പെട്ടിരിക്കാൻ വേണ്ടിയാണ് കുറച്ചുകാലം നമ്മൾ ജീവിക്കുന്നത്-വില്യം ഫോക്നർ

ഏകതാനതയും മരണവും ഏതാണ്ട് ഒരുപോലെ തന്നെയാണ്- ഷാർലെറ്റ് ബ്രോണ്ടി

മരണം ഒരു മനുഷ്യനെ നശിപ്പിക്കുന്നുമരണമെന്ന ആശയം അവനെ രക്ഷിക്കുന്നു- ഇ.എം ഫോസ്റ്റർ

ജീവിതത്തെ മരണത്തിൽ നിന്നും വേർതിരിക്കുന്ന നിഴലുകൾ അവ്യക്തമാണ്. ഒന്ന് അവസാനിക്കുന്നിടത്തു നിന്നും മറ്റൊന്ന് ആരംഭിക്കുന്നു. ആരംഭം എപ്പോളായിരിക്കുമെന്ന് ആർക്കറിയാം?- എഡ്ഗർ അലൻ പോ

ജീവിതത്തിന്റെ എതിർപദമല്ല മരണം, ഒരു ഭാഗം മാത്രമാണ്- ഹാരുകി മുറാകാമി

Content Highlights : Famous Quotes on Death by Veteran Authors

Content Highlights: