എത്ര തടുത്തിട്ടും ഒരിളംപുഞ്ചിരിയാൽ ഹൃദയം അപായസൂചന തെളിച്ചു

കുറച്ചു കുട്ടികള്‍ വീടിന്റെ ടെറസിലേക്കുള്ള പടികളിലിരുന്നു പൂജ്യം വെട്ടിക്കളിക്കുന്ന വെക്കേഷന്‍ കാലസായാഹ്നം. അതു മടുത്തപ്പോള്‍പ്പിന്നെ ഈര്‍ക്കിലുകളിയിലേക്കു തിരിഞ്ഞു ആവേശം. ഉണങ്ങിയ ഈര്‍ക്കിലുകള്‍ ഒരേ വലിപ്പത്തിലൊടിച്ചതും ഒരു നീളന്‍ ഈര്‍ക്കിലും റെഡിയാണ്. ഒന്നിന്റെ മീതേ ഒന്നായി വീണു കിടക്കുന്ന ഈര്‍ക്കിലുകള്‍ ഓരോന്നായി അനക്കാതെ എടുക്കാന്‍ കണ്ണു കൂര്‍പ്പിക്കുകയാണ്. ഹൃദയശസ്ത്രക്രിയയ്ക്കു വേണ്ട ജാഗ്രതയാണ് മത്സരാര്‍ഥികള്‍ പുലര്‍ത്തുന്നത്. അതിനിടെ ഈര്‍ക്കില്‍ അനങ്ങിയെന്നും ഇല്ലെന്നും പറഞ്ഞ് തര്‍ക്കമുണ്ടായി. നേരവും ഇരുട്ടാനായി. കളി മതിയാക്കാമെന്ന് തീരുമാനിച്ചു.

പേപ്പറും പേനയും ഈര്‍ക്കില്‍ സെറ്റുമൊക്കെയായി പടികളിറങ്ങാന്‍ തുടങ്ങുമ്പോള്‍, തേക്കുമരങ്ങള്‍ നിറഞ്ഞ കുന്നിന്റ വലതുവശത്തുള്ള ഇടവഴിയിലൂടെ ഒരാള്‍ അലസമായി നടന്നു വന്നു. കലപിലകള്‍ക്കിടയില്‍ നിന്ന് എത്തിനോക്കിയ ഒരു കൊച്ചുപെണ്‍കുട്ടി അയാളെ കണ്ടു. ഇരുണ്ടനിറം, കൂര്‍ത്ത മൂക്ക്, ദൃഢശരീരം.. എവിടെയോ കണ്ട നല്ല മുഖപരിചയം. ഒരു ഛായാചിത്രം ഉയിരു വെച്ചു മുന്നില്‍ നില്‍ക്കുമ്പോലെ. ഇതയാളല്ലേ?

Content Highlights: Relive childhood innocence and the magical encounter with a mysterious man, later revealed to be `Sherkhan,` who sparked imagination and literary exploration.