'ഞങ്ങള്‍ അച്ഛനും അമ്മയുമാകാന്‍ പോകുന്നു'; സന്തോഷവാര്‍ത്ത പങ്കുവെച്ച് ടോഷും ചന്ദ്രയും
അച്ഛനും അമ്മയുമാകാന്‍ പോകുന്നതിന്റെ സന്തോഷം പങ്കുവെച്ച് സീരിയല്‍ താരങ്ങളായ ടോഷ് ക്രിസ്റ്റിയും ചന്ദ്ര ലക്ഷ്മണും. തന്റെ ഇന്‍സ്റ്റഗ്രാം പേജിലൂടെ ചന്ദ്രാ ലക്ഷ്മണാണ് സന്തോഷ വാര്‍ത്ത പുറത്തുവിട്ടത്.
'ഞങ്ങളുടെ ജീവിതത്തിന്റെ ഈ മനോഹരമായ ഘട്ടത്തില്‍ മാതാപിതാക്കള്‍ക്കും കുടുംബാംഗങ്ങള്‍ക്കും സുഹൃത്തുക്കള്‍ക്കും ആരാധകര്‍ക്കും നന്ദി പറയുന്നു. ഞങ്ങള്‍ അച്ഛനും അമ്മയുമാകാന്‍ പോകുന്നു. എല്ലാവരോടും ഈ സന്തോഷ വാര്‍ത്ത പങ്കുവെയ്ക്കുന്നു.' ചന്ദ്ര ലക്ഷ്മണ്‍ ഇന്‍സ്റ്റഗ്രാമില്‍ കുറിച്ചു.
കുടുംബസമേതം ഈ വിവരം പ്രേക്ഷകരോട് പറയണം എന്നായിരുന്നു ആഗ്രഹം. എന്നാല്‍ ഇരുവരുടേയും മാതാപിതാക്കള്‍ കൊച്ചിയില്‍ ഇല്ലാത്തതിനാല്‍ അതു സാധ്യമായില്ല. 2021 നവംബര്‍ 11-ന് കൊച്ചിയിലെ സ്വകാര്യ റിസോര്‍ട്ടിലായിരുന്നു ഇരുവരുടേയും വിവാഹം. സീരിയലില്‍ ഒരിമിച്ചു അഭിനയിക്കുമ്പോള്‍ തുടങ്ങിയ പ്രണയം വിവാഹത്തില്‍ എത്തുകയായിരുന്നു.
Content Highlights: tv couple tosh and chandra Lakshman announce pregnancy