13 രൂപയുടെ പ്ലാസ്റ്റിക് മാലിന്യത്തെ മാസം 40 ലക്ഷത്തിന്റെ ബിസിനസ്സാക്കി മാറ്റുന്ന സംരംഭകൻ
പ്ലാസ്റ്റിക് മാലിന്യങ്ങൾ പരിസ്ഥിതിക്ക് ഭീഷണിയാണെന്ന ആശങ്ക ശക്തമായിരിക്കെ, അതേ മാലിന്യത്തെ കോടികൾ മൂല്യമുള്ള വൻ ബിസിനസ്സാക്കി മാറ്റി ശ്രദ്ധേയനാകുകയാണ് ഒരു യുവ സംരംഭകൻ. കിലോയ്ക്ക് വെറും 13 രൂപ നിരക്കിൽ ശേഖരിക്കുന്ന പ്ലാസ്റ്റിക് അവശിഷ്ടങ്ങൾ സംസ്‌കരിച്ച് ഉൽപന്നങ്ങളാക്കി മാറ്റി പ്രതിമാസം 40 ലക്ഷം രൂപയിലധികം വിറ്റുവരവ് നേടുന്ന സംരംഭമാണ് ഇയാൾ തുടങ്ങിവച്ചിരിക്കുന്നത്. ഈ പുതിയ ബിസിനസിനെക്കുറിച്ച് സോഷ്യൽ മീഡിയയെ അറിയിച്ചത് പ്രഥം എന്ന യുവാവാണ്. ഇയാളുടെ കസിനാണ് പ്ലാസ്റ്റിക് ബിസിനസ്സിലൂടെ മികച്ച വരുമാനം കണ്ടെത്തിയ സംരംഭകൻ.
വീടുകളിൽ നിന്നും സ്ഥാപനങ്ങളിൽ നിന്നും ഉപേക്ഷിക്കുന്ന പ്ലാസ്റ്റിക് കുപ്പികളും കവറുകളും മറ്റ് അവശിഷ്ടങ്ങളുമാണ് വളരെ ചെറിയ തുക നൽകി ശേഖരിക്കുന്നത്. തുടക്കത്തിൽ ചെറിയ അളവിൽ ശേഖരിച്ച് സംസ്‌കരണ പ്രക്രിയകൾ ആരംഭിച്ച വ്യവസായം, കൃത്യമായ ആസൂത്രണത്തിലൂടെയും ശാസ്ത്രീയമായ പ്രോസസിങ് രീതികളിലൂടെയും അതിവേഗം വളരുകയായിരുന്നു.
കിലോയ്ക്ക് 13 രൂപ നിരക്കിൽ വാങ്ങുന്ന പ്ലാസ്റ്റിക് മാലിന്യങ്ങൾ തരംതിരിച്ച്, കഴുകി വൃത്തിയാക്കി, വലിയ മെഷീനുകൾ ഉപയോഗിച്ച് ചെറുകഷണങ്ങളാക്കി മാറ്റുന്നു. ഈ റീസൈക്കിൾ ചെയ്ത പ്ലാസ്റ്റിക് തരികളാണ് വിവിധ വ്യവസായശാലകൾക്ക് വീണ്ടും ഉപയോഗിക്കാനായി നൽകുന്നത്. പ്ലാസ്റ്റിക് പൈപ്പുകൾ, ഫർണിച്ചറുകൾ, പാക്കിങ് സാമഗ്രികൾ, ഓട്ടോ മൊബൈൽ പാർട്‌സുകൾ എന്നിവ നിർമ്മിക്കുന്ന കമ്പനികളാണ് ഇവയുടെ പ്രധാന ഉപഭോക്താക്കൾ.
Recently, I met my cousin at a relative’s wedding.
We rarely talk, but I noticed his limited-edition Rolex.
Curious, I asked, “What do you do?”
He said, “Plastic business.”
I assumed it was normal plastic trading business.
Then I asked, “How are you making so much money?”…— Pratham (@CapitalLens_) August 19, 2026
പരിസ്ഥിതി സംരക്ഷണവും വ്യവസായ സാധ്യതകളും കൈകോർക്കുന്ന മികച്ചൊരു സർക്കുലർ ഇക്കോണമി മാതൃകയ്ക്കാണ് ഈ സംരംഭത്തിലൂടെ തുടക്കം കുറിച്ചിരിക്കുന്നത്.
വളരെ കുറഞ്ഞ ചെലവിൽ വസ്തുക്കൾ ലഭ്യമാകുന്നു എന്നതാണ് ഈ ബിസിനസ്സിന്റെ പ്രധാന സവിശേഷത. പ്രതിമാസം കോടികണക്കിന് ടൺ പ്ലാസ്റ്റിക് സംസ്‌കരിക്കാൻ ശേഷിയുള്ള പ്ലാന്റാണ് ഇതിനായി പ്രവർത്തിക്കുന്നത്. പ്രതിമാസം 40 ലക്ഷം രൂപയിലധികം വിറ്റുവരവ് നേടാൻ സാധിക്കുന്നത് പ്ലാസ്റ്റിക് റീസൈക്ലിംഗ് മേഖലയിലെ അനന്തമായ സാധ്യതകളെയാണ് കാണിക്കുന്നതെന്ന് യുവാവ് പറയുന്നു. ഒപ്പം നൂറുകണക്കിന് ആളുകൾക്ക് തൊഴിൽ നൽകാനും ഈ സംരംഭത്തിന് സാധിക്കുന്നുണ്ട്.
ഭൂമിക്ക് ഭീഷണിയാകുന്ന പ്ലാസ്റ്റിക് മാലിന്യങ്ങൾ മണ്ണിൽ അടിയുന്നത് തടയുന്നതിനൊപ്പം, പുതിയ പ്ലാസ്റ്റിക് നിർമ്മാണം മൂലമുണ്ടാകുന്ന കാർബൺ പുറന്തള്ളൽ കുറയ്ക്കാനും ഇത്തരം റീസൈക്ലിംഗ് സംരംഭങ്ങൾ സഹായിക്കും
രാജ്യത്ത് പ്ലാസ്റ്റിക് മാലിന്യ സംസ്‌കരണത്തിന് സർക്കാർ വലിയ പ്രാധാന്യമാണ് നൽകിവരുന്നത്. ഏക ഉപയോഗ പ്ലാസ്റ്റിക്കുകൾക്ക് വിലക്കേർപ്പെടുത്തിയ സാഹചര്യത്തിൽ, റീസൈക്കിൾ ചെയ്ത പ്ലാസ്റ്റിക്കുകൾക്ക് വിപണിയിൽ ആവശ്യക്കാർ ഏറെയാണ്. കൃത്യമായ വിപണി പഠനവും സാങ്കേതികവിദ്യയും സമന്വയിപ്പിച്ചാൽ പ്ലാസ്റ്റിക് മാലിന്യ സംസ്‌കരണ മേഖലയിൽ വിജയിക്കാൻ സാധിക്കുമെന്ന് ഈ യുവ സംരംഭകന്റെ വിജയം തെളിയിക്കുന്നു.
Content Highlights: Purchases plastic waste at Rs 13 per kilo from homes and institutions., Processes and converts waste into recycled plastic granules for industrial use., Generates over Rs 40 lakh in monthly revenue with high profit margins., Promotes circular economy and environmental sustainability.