യുഎഇയിലും ഗംഗാ ആരതി; അബുദാബിയിലെ ഹിന്ദു ക്ഷേത്രത്തില്‍ നിന്നുള്ള വീഡിയോ വൈറല്‍
കണ്ണുകള്‍ക്ക് കാഴ്ചാവിസ്മയമേകുന്നതും ഭക്തിനിര്‍ഭരവുമായ ചടങ്ങാണ് ഗംഗാ ആരതി. വാരാണസിയില്‍ ഉള്‍പ്പെടെ ഗംഗയൊഴുകുന്ന പലയിടങ്ങളിലും ഗംഗാ ആരതി നടക്കുന്നുണ്ട്. ആരതിയില്‍ പങ്കെടുത്ത് സായൂജ്യമടയാനും ആ അപൂര്‍വ കാഴ്ചയ്ക്ക് സാക്ഷിയാകാനുമെല്ലാമായി ആയിരക്കണക്കിന് പേരാണ് എത്താറുള്ളത്.
Also Read: കണ്ണനെ തൊഴുത് അക്ഷയ് കുമാര്‍; ബോളിവുഡ് താരം ഗുരുവായൂരിലെത്തിയത് കേരളീയ വേഷത്തില്‍
ഇപ്പോഴിതാ യുഎഇയില്‍ നിന്നുള്ള 'ഗംഗാ ആരതി'യുടെ വീഡിയോ ആണ് സാമൂഹിക മാധ്യമങ്ങളില്‍ വൈറലാകുന്നത്. അബുദാബിയിലെ ബാപ്സ് ഹിന്ദു ക്ഷേത്രത്തില്‍ നിന്നാണ് വീഡിയോ ചിത്രീകരിച്ചത്. യുഎഇയിലേക്ക് പുതുതായി എത്തിയ 24-കാരനായ യുവാവാണ് വീഡിയോ ചിത്രീകരിച്ച് പോസ്റ്റ് ചെയ്തത്. രണ്ടാഴ്ച ഹോട്ടലില്‍ താമസിച്ചശേഷം പുതിയ വീട്ടിലേക്ക് മാറുന്നതിന് മുന്നോടിയായാണ് അവധി ദിവസം യുവാവ് ക്ഷേത്രം സന്ദര്‍ശിച്ചത്.
'ഞാന്‍ യുഎഇയില്‍ ഗംഗാ ആരതി ദര്‍ശിച്ചു' എന്ന കുറിപ്പോടെയാണ് യുവാവ് വീഡിയോ പോസ്റ്റ് ചെയ്തത്. ക്ഷേത്രത്തിലേക്കുള്ള യാത്രയും ക്ഷേത്രത്തിലെത്തിയ ശേഷമുള്ള അവിടുത്തെ പ്രശാന്തസുന്ദരമായ അന്തരീക്ഷവുമെല്ലാം യുവാവ് മനോഹരമായി വീഡിയോയില്‍ പകര്‍ത്തിയിട്ടുണ്ട്. തുടര്‍ന്നാണ് സമീപമുള്ള വെള്ളക്കെട്ടിലെ ആരതി ചടങ്ങുകള്‍ കാണിക്കുന്നത്.
Don't Miss: ഭൂഖണ്ഡങ്ങൾക്കപ്പുറം 'ജനഗണമന...'; യുഎസ് സ്വദേശിയായ 17-കാരന്‍ ദേശീയഗാനം ആലപിക്കുന്ന വീഡിയോ വൈറൽ
ബാപ്സ് ഹിന്ദു ക്ഷേത്രത്തില്‍ എല്ലാ ദിവസവും ഗംഗാ ആരതി ചടങ്ങുകള്‍ നടക്കാറുണ്ട്. ഇന്ത്യയിലെ യഥാര്‍ഥ ഗംഗാ ആരതിക്ക് സമാനമായ ആത്മീയാനുഭവം ഭക്തര്‍ക്ക് പ്രദാനം ചെയ്യുന്നതാണ് ഇവിടെ നടക്കുന്ന ആരതി. നിരവധി പേരാണ് യുവാവ് പങ്കുവെച്ച വീഡിയോ കണ്ടതും ലൈക്ക് ചെയ്തതും കമന്റ് ചെയ്തതും.
2024 ഫെബ്രുവരി 14-നാണ് അബുദാബിയിലെ ബാപ്സ് ഹിന്ദു ക്ഷേത്രം തുറന്നത്. പ്രധാനമന്ത്രി നരേന്ദ്രമോദിയാണ് ക്ഷേത്രം ഭക്തര്‍ക്കായി തുറന്നുകൊടുത്തത്. അബുദാബിയിലെ ആദ്യ ഹിന്ദു ക്ഷേത്രമാണ് ഇത്. യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായെദ് അല്‍ നഹ്യാന്‍ സമ്മാനമായി നല്‍കിയ 27 ഏക്കര്‍ ഭൂമിയിലാണ് ക്ഷേത്രം സ്ഥിതി ചെയ്യുന്നത്.
Content Highlights: "Ganga Aarti In UAE": Indian Man Stunned By Abu Dhabi's Hindu Temple | Viral Video