കഥക് നര്ത്തകിയാകുമെന്ന് സ്വപ്നത്തില് പോലും കരുതിയില്ല; കഥക്കിനെ പ്രണയിച്ച ശരണ്യ സഹസ്ര

ഉത്തരേന്ത്യയിലെ പ്രധാനപ്പെട്ട ശാസ്ത്രീയ നൃത്തരൂപമായ കഥക്കിനെ മലയാളിക്ക് സുപരിചിതമാക്കുകയാണ് ശരണ്യ സഹസ്ര എന്ന കലാകാരി. കഥക്ക് എന്ന കലാരൂപത്തിന്റെ വളര്ച്ചക്കും പരിപോഷണത്തിനുമായി ജീവിതം ഉഴിഞ്ഞുവെച്ച പെണ്കുട്ടി. ഇരിങ്ങാലക്കുട വെള്ളാങ്കല്ലുര് സ്വദേശിനി. ഇപ്പോള് നൃത്തരാജനായ നടരാജന്റെ തട്ടകത്തില് സാക്ഷാല് തൃശ്ശിവപേരൂരില് വടക്കുനാഥക്ഷേത്രത്തിന് അരികിലായി താമസിക്കുന്നു.
ശരണ്യയുടെ ഭാഷയില് പറഞ്ഞാല് 'ഗുരുക്കന്മാരുടെ അനുഗ്രഹവും ദൈവനിയോഗവുമാണ് എന്നെ നടത്തുന്നത്. എന്റെ വഴി നിശ്ചയിക്കുന്നത് ഈശ്വരനാണ്.' അതെ, നൂറിലധികം കുട്ടികള് മൂന്നിടങ്ങളിലായി കഥക്ക് നൃത്തം അഭ്യസിക്കുന്ന 'സഹസ്ര' എന്ന നൃത്തവിദ്യാലയത്തിന്റെ സാരഥികൂടിയായ ശരണ്യ ഇതു പറയുമ്പോള് നാളിതുവരെ പിന്നിട്ട നൃത്തവഴികള് അത് സാക്ഷ്യപ്പെടുത്തുന്നു.
Content Highlights: Kerala`s Sharanya Sahasra, a Kathak exponent, is popularizing the North Indian classical dance form