തീർന്നിട്ടില്ല ഇനിയുമുണ്ട് ചിത്രങ്ങൾ; സ്‌പെഷ്യൽ ഡേയിലെ കൂടുതൽ ചിത്രങ്ങളുമായി ജ്യോതിക

തെന്നിന്ത്യൻ സിനിമയിലെ സൂപ്പർ താരജോഡികളായ സൂര്യയും ജ്യോതികയും ക്രിസ്ത്യൻ ആചാരപ്രകാരം വീണ്ടും വിവാഹിതരായി. തങ്ങളുടെ സ്വപ്നം യാഥാർത്ഥ്യമാക്കാൻ സഹായിച്ച സുഹൃത്തുക്കൾക്ക് നന്ദി പറഞ്ഞുകൊണ്ട് ജ്യോതിക പങ്കുവെച്ച ചിത്രങ്ങൾ സോഷ്യൽ മീഡിയയിൽ വൈറലായിരിക്കുകയാണ്. 'ഞങ്ങളുടെ വലിയൊരു സ്വപ്നം യാഥാർത്ഥ്യമാക്കി തന്നതിന് പ്രിയപ്പെട്ട സുഹൃത്തുക്കൾക്ക് വലിയൊരു നന്ദി' എന്ന കുറിപ്പോടെയാണ് ജ്യോതിക ഇൻസ്റ്റാഗ്രാമിൽ ചിത്രങ്ങൾ പോസ്റ്റ് ചെയ്തത്. അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിൽ തികച്ചും വ്യക്തിപരമായ അന്തരീക്ഷത്തിലാണ് ഈ പ്രത്യേക ചടങ്ങ് സംഘടിപ്പിച്ചത്.

നീണ്ട ട്രെയിലോടുകൂടിയവെളുത്ത ഓഫ് ഷോൾഡർ വെഡ്ഡിങ് ഗൗണിൽ അതീവ സുന്ദരിയായാണ് ജ്യോതിക എത്തിയത്. മിനിമൽ ലുക്കാണ് ജ്യോതികയുടേത്. പേസ്റ്റൽ കളറിലുള്ള ബൊക്കേയും ജ്യോതികയുടെ കയ്യിലുണ്ട്. സ്റ്റൈലിസ്റ്റ് രാധിക മെഹ്‌റയാണ് ജ്യോതികയുടെ വിവാഹലുക്ക് സ്‌റ്റൈൽ ചെയ്തിരിക്കുന്നത്. വിവാഹം നടന്ന പള്ളിയിൽനിന്നുള്ള ചിത്രങ്ങൾക്ക് പുറമേ സുഹൃത്തുക്കൾക്കും കുടുംബാംഗങ്ങൾക്കുമൊപ്പം സ്വകാര്യ യാട്ടിൽ ആഘോഷിക്കുന്ന ചിത്രങ്ങളും ജ്യോതിക പങ്കുവച്ചിട്ടുണ്ട്.

2006-ൽ തമിഴ് ആചാരപ്രകാരമായിരുന്നു സൂര്യയും ജ്യോതികയും വിവാഹിതരായത്. വർഷങ്ങൾക്ക് ശേഷം ക്രിസ്ത്യൻ ശൈലിയിൽ വിവാഹ വചനങ്ങൾ പുതുക്കിയ ഇവരുടെ ചിത്രങ്ങൾ സിനിമാ പ്രേമികളും ആരാധകരും ഏറ്റെടുത്തു കഴിഞ്ഞു.

Content Highlights: Suriya and Jyotika renewed their wedding vows in a Christian ceremony., Jyotika shared viral pictures on Instagram wearing a white off-shoulder wedding gown., The intimate ceremony was attended by close friends and family members., The couple originally got married in 2006 according to Tamil traditions.