കേണിയെക്കുറിച്ച് കേട്ടിട്ടുണ്ടോ? കെണിയല്ല, കേണി!

കേണിയെന്ന് കേട്ടിട്ടുണ്ടോ? വയനാട് ജില്ലയിലെ ഗോത്രവിഭാഗക്കാരുടെ കൊച്ചുകിണറാണ് കേണി. ഉൾച്ചോറ് നീക്കംചെയ്ത പനങ്കുറ്റിയും മരത്തിന്റെ ഉൾഭാഗവും ചേർത്ത് നിർമിക്കുന്ന ഒരു കൊച്ചുകിണർ! വയലിന്റെയോ തണ്ണീർത്തടത്തിന്റെയോ നടുക്കായാണ് കേണി ഉണ്ടാക്കുന്നത്. മണ്ണിലേക്ക് ഇറക്കിവെച്ച കുഴലിന്റെ രൂപമാണ് കേണിക്ക്. പ്രത്യേകതരം ചൂണ്ടപ്പനയുടെ തടികൊണ്ടാണ് കേണി നിർമിക്കുന്നത്. കൈയെത്തുന്ന താഴ്ചയിൽ ഏറിയാൽ ഒരു മീറ്റർ ആഴമേ ഇതിനുണ്ടാവുള്ളൂ. ഏത് വേനലിലും വറ്റാതെ നിൽക്കുമെന്നുള്ളതാണ് ഇതിന്റെ പ്രത്യേകത.

Content Highlights: Keni is a traditional small well built by tribal communities in Wayanad.