ചായക്കൊപ്പം സുടു സുടാ കാബേജ് ബോൾസ് കഴിച്ചാലോ !

വൈകീട്ട് ചായക്കൊപ്പം കഴിക്കാവുന്ന രുചികരമായ ഒരു വിഭവം ഇതാ. കാബേജ് ഇഷ്ടമല്ലാത്ത കുട്ടികളും ഇത് കഴിക്കും.

ആവശ്യമായ സാധനങ്ങൾ:
കാബേജ് ചെറുതായി അരിഞ്ഞത് : രണ്ടുകപ്പ്

സവാള ചെറുതായി അരിഞ്ഞത് : ഒന്ന്

പച്ചമുളക് അരിഞ്ഞത് : രണ്ട് 

മല്ലിയില അരിഞ്ഞത് : കാൽ കപ്പ്

കറിവേപ്പില : ഒരു തണ്ട്

കടലമാവ് : മൂന്ന് ടേബിൾസ്പൂൺ

കോൺഫ്ളോർ : മൂന്ന് ടേബിൾസ്പൂൺ

അരിപ്പൊടി : മൂന്ന് ടേബിൾസ്പൂൺ

മുളകുപൊടി : ഒരു ടീസ്പൂൺ

വെളിച്ചെണ്ണ, ഉപ്പ് : ആവശ്യത്തിന്

തയ്യാറാക്കുന്ന വിധം:
അരിഞ്ഞെടുത്ത കാബേജ് കുറച്ച് വെള്ളം ചേർത്ത് വേവിച്ചെടുക്കണം.

വെളിച്ചെണ്ണ ഒഴികെയുള്ള ചേരുവകൾ ഒരു പാത്രത്തിൽ എടുത്ത് നന്നായി ഇളക്കുക.

അതിലേക്ക് വേവിച്ചെടുത്ത കാബേജുകൂടി ചേർത്ത് നന്നായി ഇളക്കി യോജിപ്പിക്കുക. വെള്ളം ചേർക്കേണ്ടതില്ല.

ഈ കൂട്ട് ചെറിയ ഉരുളകളാക്കി വെളിച്ചെണ്ണയിൽ നല്ല ഗോൾഡൻ ബ്രൗൺ നിറമാകുന്നതുവരെ പൊരിച്ചെടുത്തോളൂ. കാബേജ് ബോൾസ് റെഡി.

Content Highlights: Quick and easy evening snack recipe, Kid-friendly way to eat cabbage, Crispy texture with simple ingredients like gram flour and cornflour