ഉണ്ണിക്കുട്ടനും കുട്ടൻമാരും; രസകരമായ കവിത വായിച്ചാലോ !

പട്ടിക്കുട്ടന് വീട്ടുപടിക്കൽ

കാവലിരുന്നു കുരയ്‌ക്കേണം

പൂച്ചക്കുട്ടന് പൂമുഖവാതിൽ

ചാരിയിരുന്നു മയങ്ങേണം

കാക്കക്കുട്ടന് വാഴക്കൈയിൽ

വിരുന്നിനായി വിളിക്കേണം

അണ്ണാൻകുട്ടന് ഛിൽ ഛിൽ പാടി

പൂത്തിരിവാലു കുലുക്കേണം

ആട്ടിൻകുട്ടന് തൊടിയിൽ പോയി

ചാടിത്തുള്ളി നടക്കേണം

ഉണ്ണിക്കുട്ടന് ഇവരുടെയെല്ലാം

പതിവുകൾ കണ്ടു രസിക്കേണം!

Content Highlights: Features playful verses about various animals like dogs, cats, crows, squirrels, and goats.