ചേക്കുട്ടിപ്പാവ, അമ്മൂമ്മത്തിരി, ചൂലാല, ശയ്യ....! പുത്തനാശയങ്ങളുടെ ആശാനാണീ ലക്ഷ്മി

രണ്ടു തരം മനുഷ്യരേ ഈ ഭൂമുഖത്തുള്ളൂവെന്ന് തോന്നിപ്പോകും. പ്രശ്നങ്ങളില്‍നിന്ന് ഒളിച്ചോടാന്‍ ചിന്തിക്കുന്നൊരു കൂട്ടര്‍. പ്രശ്നങ്ങളെ എങ്ങനെ മറികടക്കുമെന്ന് തല പുകയ്ക്കുന്ന മറ്റൊരു കൂട്ടരും. ഇതിലൊന്നും പെടാത്ത ഒരാളുണ്ട് കൊച്ചി തൃപ്പൂണിത്തുറയില്‍. പ്രശ്നങ്ങളെ വരൂ, വരൂ.... എന്നാണ് കക്ഷിയുടെ പതിവ് പ്രാര്‍ത്ഥന. അതുകേട്ട് ചിലപ്പോള്‍ പേമാരിപോലെ പ്രശ്നങ്ങള്‍ പെയ്തിറങ്ങും. അതിലേക്ക് നനഞ്ഞിറങ്ങിക്കൊണ്ട് അതിനൊരു പരിഹാരവും കണ്ടെടുത്തേ ഈ കൊച്ചിക്കാരി തിരിച്ച് കയറാറുള്ളൂ. അങ്ങനെയാണ് കേരളത്തെ ആവേശം കൊള്ളിച്ച പല സാമൂഹിക മുന്നേറ്റങ്ങളുടെയും പിറവി. പ്രായമായവര്‍ക്ക് സാമ്പത്തിക സ്വാശ്രയത്വം പകര്‍ന്നുനല്‍കിയ അമ്മൂമ്മത്തിരിയും പ്രകൃതി സംരക്ഷണത്തിന്റെ പാഠങ്ങള്‍ കുഞ്ഞുകൈകളിലേക്ക് തന്നെ തുറന്നുവെച്ചുകൊടുത്ത വിത്തുപേനയും രൂപപ്പെട്ടത് ഇങ്ങനെ വന്ന ചില ചെറുപ്രശ്നങ്ങളില്‍നിന്നുതന്നെ. തെരുവില്‍ അന്തിയുറങ്ങുന്നവര്‍ക്കൊരു കിടക്ക സമ്മാനിച്ച ശയ്യ പദ്ധതിയും ചേക്കുട്ടിപാവകളെ പുനരുജ്ജീവിച്ചതുമൊക്കെ ഈ മലയാളി യുവതിയുടെ മനസ്സില്‍ മിന്നിമറഞ്ഞ ചില പ്രശ്നങ്ങളാണെന്നതാണ് കൗതുകം ജനിപ്പിക്കുന്ന സത്യം. സന്നദ്ധ സേവനരംഗത്ത് കേരളത്തിന് വഴികാട്ടുന്ന പല ആശയങ്ങളുടെയും ഉടമയും പ്രചാരകയുമായ ലക്ഷ്മി മേനോന്‍ ഇപ്പോഴും പ്രശ്നങ്ങള്‍ അന്വേഷിച്ചുകൊണ്ട് നമുക്കിടയിലൂടെ നടപ്പുണ്ട്.

Content Highlights: Vanitha ratnam 2022 award winner Lekshmi Menon Interview, She talks by Biju Raghavan