ഏക സിവില് കോഡ് മണിപ്പുരിൽ നടന്നതിനേക്കാൾ വലിയ സംഘർഷങ്ങൾക്ക് വഴിവയ്ക്കും | ഗീതാനന്ദനുമായി അഭിമുഖം
ഒരിടവേളയ്ക്ക് ശേഷം വീണ്ടും സജീവ ചര്ച്ചകളില് ഇടം പിടിച്ചിരിക്കുകയാണ് ഏക സിവില് കോഡ്. ബി.ജെ.പിയുടെ തിരഞ്ഞെടുപ്പ് വാഗ്ദാനമെന്ന നിലയ്ക്ക് പ്രധാനമന്ത്രി നരേന്ദ്ര മോദി തന്നെയാണ് ഇതുമായി ബന്ധപ്പെട്ട ചര്ച്ചകള്ക്ക് ഒരിക്കല് കൂടെ തീ കൊളുത്തിയിരിക്കുന്നതും. വ്യക്തിനിയമങ്ങള് ഏകീകരിക്കുക വഴി വിവിധ വിഭാഗങ്ങള് നിലവില് അനുഭവിച്ച് പോരുന്ന വിവേചനങ്ങളെ ഇല്ലാതാക്കുകയാണ് സിവില് കോഡിന്റെ ഉദ്ദേശ്യമെന്നാണ് കേന്ദ്രം വ്യക്തമാക്കുന്നതെങ്കിലും ഇത് മുസ്ലീം വിഭാഗങ്ങളെ മാത്രം ലക്ഷ്യമിട്ടാണെന്ന പൊതുധാരണ വളര്ത്തിയെടുക്കുന്നതിലേക്കാണ് സി.പി.എം. അടക്കമുള്ള രാഷ്ട്രീയ പാര്ട്ടികളുടെ ചര്ച്ചകളും സെമിനാറുകളും പുരോഗമിക്കുന്നത്.
സി.പി.എമ്മിന്റെ നേതൃത്വത്തില് കോഴിക്കോട്ടു നടന്ന സെമിനാർ തന്നെ ഇതിന്റെ ഉദാഹരണമായിരുന്നു. പരിപാടിയിലേക്ക് ക്ഷണം ലഭിച്ച മുസ്ലീം ലീഗ് അത് നിരസിക്കുകയും മുസ്ലീം ലീഗിന് ഒപ്പം നിന്നിരുന്ന സമസ്തയടക്കമുള്ളവര് അതില് പങ്കെടുക്കുകയും ചെയ്തതോടെ സെമിനാർ വലിയ ചർച്ചയായി. എന്നാല്, ഇത് മുസ്ലീം വിവേചന വിഷയമായി മാത്രം മനഃപൂര്വം ഒതുക്കപ്പെടുകയും ഏറ്റവും കൂടുതല് ബാധിക്കാന് സാധ്യതയുള്ള ആദിവാസി-ഗോത്രവിഭാഗങ്ങളുടെ പ്രശ്നങ്ങളെ കാണാതിരിക്കുകയും ചെയ്യുന്നു എന്ന യാഥാര്ഥ്യത്തെ മറക്കുകയാണെന്ന് ആരോപിക്കുകയാണ് ഗോത്രമഹാസഭ നേതാവ് എം.ഗീതാനന്ദൻ. ആദിവാസി ഗോത്രവിഭാഗങ്ങളെ ഏക സിവില് കോഡില്നിന്ന് ഒഴിവാക്കണമെന്നാവശ്യപ്പെട്ട് ബിജെപിക്കുള്ളില് തന്നെ എതിര്പ്പുകള് ഉയര്ന്ന സാഹചര്യത്തിൽ ഗീതാനന്ദന് മാതൃഭൂമി ഡോട്കോമിനോട് സംസാരിക്കുന്നു.
Content Highlights: uniform civilcode and tribals