തന്ത്രപ്രധാന സ്ഥാനം, വിഭവസമൃദ്ധം; അരുണാചലില് ചൈനയ്ക്ക് അമിതതാൽപര്യം എന്തിന്?
2023 മാര്ച്ച് 14-ന്, അമേരിക്കന് സെനറ്റില് ഡെമോക്രാറ്റിക് സെനറ്റര് ജെഫ് മെര്ക്കലിയും റിപ്പബ്ലിക്കന് സെനറ്റര് ബില് ഹാഗെര്ട്ടിയും ചേര്ന്ന് ഒരു ഉഭയകക്ഷി പ്രമേയം അവതരിപ്പിച്ചു. സെനറ്റിലെ ഇന്ത്യാ കോക്കസിന്റെ സഹാധ്യക്ഷന് ജോണ് കോറിന് ഇതിനെ പിന്തുണച്ചു. ഇന്ത്യന് സംസ്ഥാനമായ അരുണാചല് പ്രദേശിനെ ഇന്ത്യയുടെ അവിഭാജ്യ ഘടകമായി അംഗീകരിക്കാനും ദക്ഷിണേഷ്യയിലെ ചൈനീസ് പ്രകോപനങ്ങളെ അപലപിക്കാനും ലക്ഷ്യമിട്ടുള്ളതായിരുന്നു ആ ഉഭയകക്ഷി പ്രമേയം. പിന്നാലെ ഇന്ത്യന് പ്രധാനമന്ത്രി നരേന്ദ്രമോദിയുടെ യു.എസ്. സന്ദര്ശന വേളയില് യു.എസ്. സെനറ്റ് വിദേശകാര്യസമിതി ആ ഉഭയകക്ഷി പ്രമേയം ചര്ച്ചയ്ക്കെടുത്തു. ഇന്ത്യ- ചൈന അതിര്ത്തി പ്രശ്നങ്ങള് ഇനിയും പരിഹരിക്കാതെ തുടരുന്ന പശ്ചാത്തലത്തില് വലിയ പ്രധാന്യമുള്ളതായിരുന്നു ആ പ്രമേയം. ഇന്ഡോ-പസഫിക് മേഖലയില് ചൈന വലിയ തോതില് സ്വാധീനം ഉറപ്പിക്കുന്ന ഘട്ടത്തില് ഇന്ത്യയും അമേരിക്കയും തമ്മിലുള്ള വളര്ന്നുവരുന്ന ബന്ധത്തെ സൂചിപ്പിക്കുന്ന ഒരു നല്ല ചുവടുവെപ്പായി ഈ പ്രമേയം സ്വാഗതം ചെയ്യപ്പെട്ടു.
അരുണാചല് പ്രദേശിനെച്ചൊല്ലി ഇന്ത്യയും ചൈനയും തമ്മിലുള്ള തര്ക്കങ്ങള്ക്ക് വര്ഷങ്ങളുടെ പഴക്കമുണ്ട്. 1962-ലെ ഇന്ത്യ-ചൈന യുദ്ധാനന്തരം ഇരുരാജ്യങ്ങളും തമ്മിലുള്ള നയതന്ത്രബന്ധം പുനഃസ്ഥാപിച്ചെങ്കിലും പ്രശ്നങ്ങള് ഇനിയും പറഞ്ഞുതീര്ത്തിട്ടില്ല. അതിര്ത്തി തര്ക്കങ്ങള് പരിഹരിക്കുന്നതിന് നടത്തിയ ശ്രമങ്ങള്ക്ക് ഇതുവരെ കാര്യമായ പുരോഗതിയുമില്ല. ചര്ച്ചകള് വഴിമുട്ടി നില്ക്കുന്നതിനിടയില് ചൈനീസ് അതിര്ത്തി പട്രോളിങ് പലപ്പോഴും നിയന്ത്രണരേഖ മറിടക്കുന്നതും പതിവ്. അരുണാചല് തന്നെയാണ് പ്രധാന തര്ക്കവിഷയം. അരുണാചല് പ്രദേശിനെ 'ദക്ഷിണ ടിബറ്റ് (Zangnan)' എന്നാണ് ചൈന വളിക്കുന്നത്. ഈ ഭൂപ്രദേശം മുഴുവനായും തങ്ങളുടെ ഭാഗമാണെന്ന് അവകാശപ്പെടുകയും ചെയ്യുന്നു. എന്നാല് ഇന്ത്യ ഇത് പൂര്ണമായും തള്ളിക്കളയുകയാണ്. രാജ്യത്തിന്റെ അഭിഭാജ്യഘകമാണ് അരുണാചല് പ്രദേശ്. എന്താണ് യഥാര്ത്ഥത്തില് അരുണാചല് പ്രശ്നം? എന്തിനാണ് ഈ പ്രദേശത്തിന് മേല് ചൈന അവകാശവാദം ഉന്നയിക്കുന്നത്?
Content Highlights: Why China Claims Arunachal Pradesh?