സെക്സ് പിസ്റ്റളും കീറിയ ജീന്സും; വിവിയന് വെസ്റ്റ്വുഡ്, കല കൊണ്ട് വിപ്ലവമെഴുതിയവള്
കുഞ്ഞു വിവിയന് സ്കൂളില് നിന്നും ഓടിയെത്തിയിരുന്നത് പുതിയൊരുടുപ്പ് തുന്നാനുള്ള കൊതിയുമായിരുന്നു. തന്റെ പിഞ്ഞിപ്പോയ ഉടുപ്പുകള് അഴിച്ചെടുത്ത് അവള് പുതിയ ഉടുപ്പുകള് തുന്നിക്കൊണ്ടിരുന്നു. ഇംഗ്ലണ്ടിലെ ഡെര്ബിഷെയറിലെ ഗ്ലോസോപ്ഡെയ്ലില് പച്ചക്കറി വില്പ്പനക്കാരനായ ഗോര്ഡന് സ്വയറുടെയും കോട്ടണ് മില്ലില് ജോലി ചെയ്തിരുന്ന ഡോറയുടെയും മകളായിരുന്നു വിവിയന്. പഴയ ഉടുപ്പുതുണികളില് അവള് തീര്ത്ത പുതിയ കുപ്പായങ്ങള്ക്കൊപ്പം തന്റെ സ്വപ്നങ്ങള് കൂടിയാണ് തുന്നിച്ചേര്ത്തത്. സൂചിത്തഴമ്പിന്റെ വിശ്വാസത്തില് ഹാരോ ആര്ട്ട് സ്കൂളില് പഠിക്കാന് ചേര്ന്നെങ്കിലും അവള്ക്ക് പഠനം തുടരാനായില്ല. തൊഴിലാളി വര്ഗ പെണ്കുട്ടിയുടെ ജീവിതത്തില് 'കല 'വിശപ്പ് കെടുത്തില്ലെന്ന തിരിച്ചറിവാണ് അതിന് കാരണമെന്ന് അവര് പിന്നീട് പറഞ്ഞു. എന്നാല് തയ്യല് പഠിക്കാത്ത ഫാഷന് സ്കൂള് ഡിഗ്രിയില്ലാത്ത ആ പെണ്കുട്ടിയാണ് പിന്നീട് ആഗോള ഫാഷന് ലോകം അടക്കിവാണ ഡിസൈനറായി മാറിയത്. അതേ മരണം വരെയും 'വിവിയന് വെസ്റ്റ്വുഡ്' കല കൊണ്ട് വിപ്ലവമെഴുതിയവളായിരുന്നു.
Content Highlights: Vivienne Westwood,Sex Pistols,Punk Fashion,Malcolm McLaren,Sex and the City,Julian Assange