വിമാനം പറന്നില്ലെങ്കിലും പെരുവഴിയാധാരമാവില്ല, യാത്ര മുടങ്ങിയവർക്കുമുണ്ട് ഒട്ടേറെ അവകാശങ്ങൾ

രാജ്യതലസ്ഥാനത്ത് ദിവസങ്ങളായി കനത്ത മൂടല്‍മഞ്ഞിനെ തുടര്‍ന്ന് നിരവധി വിമാന സർവീസുകളാണ് വൈകുകയോ വഴിതിരിച്ചുവിടുകയോ റദ്ദാക്കപ്പെടുകയോ ചെയ്തിട്ടുള്ളത്. കനത്ത മൂടല്‍മഞ്ഞ് കാരണം തിങ്കളാഴ്ച ഡല്‍ഹിയില്‍ നിന്നുള്ള 110 വിമാനങ്ങള്‍ വൈകുകയും 79 സർവീസുകൾ റദ്ദാക്കുകയും ചെയ്തിരുന്നു. യാത്രക്കാര്‍ വിമാനക്കമ്പനി അധികൃതരുമായി ബന്ധപ്പെട്ട് യാത്രയുടെ വിവരങ്ങള്‍ ഉറപ്പുവരുത്തിയശേഷം മാത്രമേ വിമാനത്താവളത്തിലേക്ക് തിരിക്കാവൂ എന്നാണ് ഡല്‍ഹി വിമാനത്താവള അധികൃതര്‍ അറിയിച്ചിട്ടുള്ളത്.

വിമാനം വൈകുന്നതുമായി ബന്ധപ്പെട്ട് യാത്രക്കാരും വിമാന ജീവനക്കാരും തമ്മില്‍ സംഘര്‍ഷമുണ്ടായ സംഭവങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ട്. ഞായറാഴ്ച ഡല്‍ഹിയില്‍ നിന്ന് ഗോവയിലേക്കുള്ള ഇന്‍ഡിഗോ വിമാനത്തില്‍ വിമാനം വൈകുന്നതുമായി ബന്ധപ്പെട്ട വിവരം അനൗണ്‍സ് ചെയ്യുന്നതിനിടെ പൈലറ്റിനെ യാത്രക്കാരന്‍ ആക്രമിച്ചിരുന്നു. കനത്ത മൂടല്‍മഞ്ഞ് കാരണം വിമാനം 13 മണിക്കൂറോളം വൈകുമെന്ന വിവരം യാത്രക്കാരുമായി പങ്കുവെയ്ക്കുന്നതിനിടയിലാണ് സഹില്‍ കതാരിയ എന്ന യാത്രക്കാരന്‍ കോ പൈലറ്റ് അനൂപ് കുമാറിനെ മര്‍ദിച്ചത്. തുടര്‍ന്ന് കതാരിയെ വിമാനത്തില്‍നിന്ന് പുറത്താക്കുകയും സി.ഐ.എസ്.എഫിന് കൈമാറുകയും ചെയ്തു.

Content Highlights: flight delayed or cancelled rights as a flyer