ലോകത്തിലെ ലെജൻഡറി റെസ്‌റ്റോറന്റുകളില്‍ പതിനൊന്നാം സ്ഥാനത്ത് കോഴിക്കോട് പാരഗണ്‍

പാരഗണിലെ ഐക്കോണിക് വിഭവമായി ടേസ്റ്റ് അറ്റ്‌ലസ് തെരഞ്ഞെടുത്തിരിക്കുന്നത് ബിരിയാണിയാണ്. പ്രാദേശികമായ ഉത്പന്നങ്ങളുടെ ഉപയോഗത്തേയും പരമ്പരാഗതമായ പാചകരീതിയേയും പരമാവധി പ്രോത്സാഹിപ്പിക്കുന്നതാണ് പാരഗണിലെ വിഭവങ്ങളുടെ പാചകശൈലിയെന്നും വെബ്സൈറ്റ് പറയുന്നു.  1939 ൽ സ്ഥാപിതമായ പാരഗണിലെ ഭക്ഷണം പേരുകേട്ടതാണ്. ലോകത്തിലെ തന്നെ പ്രസിദ്ധരായ പല ഷെഫുകളും ശുപാര്‍ശ ചെയ്യുന്നതാണ് ഇവിടുത്തെ ഭക്ഷണം. 

ചെറിയ ഭക്ഷണശാലകള്‍ മുതല്‍ വലിയ റെസ്റ്റോറന്റുകള്‍ വരെ ടേസ്റ്റ് അറ്റ്‌ലസിന്റെ ഈ ലിസ്റ്റില്‍ പെടുന്നുണ്ട്. ആധികാരികമായ ഭക്ഷണമാണ് ഇവരുടെയെല്ലാം മുഖമുദ്ര. തലമുറകളായി കൈമാറ്റം ചെയ്യപ്പെട്ടുവരുന്ന പാചകക്കുറിപ്പുകളാണ് ഇവര്‍ ഉപയോഗിക്കുന്നത്.  പഴമയ്ക്കും പാരമ്പര്യത്തിനും പ്രാധാന്യം നല്‍കുന്ന റെസ്റ്റോറന്റുകളാണിവയില്‍ പലതും. 

Content Highlights: paragon calicut listed 11th in taste atlas survey of world's most legendary restaurants