വയറും മനസ്സും നിറയും, ബ്രേക്ക്ഫാസ്റ്റിന് റസ്റ്ററന്റ് സ്റ്റൈലിൽ മഷ്റൂം ഓംലെറ്റ് തയ്യാറാക്കിയാലോ?

കഫേയിൽനിന്ന് ഓർഡർ ചെയ്ത് കിട്ടുന്ന ചില ഭക്ഷണങ്ങൾ വീട്ടിൽ തയ്യാറാക്കാനും കഴിക്കാനും താത്പര്യം തോന്നാറുണ്ടോ? മഷ്റൂം ഓംലെറ്റ് ഉണ്ടാക്കി നോക്കിയാലോ? സ്വാദിഷ്ഠവും പ്രോട്ടീൻ സമ്പന്നവുമായ മഷ്റൂം ഓംലെറ്റ് ചെറിയ സമയത്തിനകം തയ്യാറാക്കാവുന്ന ഭക്ഷണമാണ്. ഇതെങ്ങനെ തയ്യാറാക്കാം എന്ന് നോക്കാം.

ചേരുവകൾ
മുട്ട - 2 (വലുത്)

കൂൺ - ½ കപ്പ് കനം കുറച്ച് അരിഞ്ഞത്

സവാള - ചെറുതായി അരിഞ്ഞത് 2 ടേബിൾസ്പൂൺ

പാൽ - ഒരു ടേബിൾസ്പൂൺ

ഉപ്പ് - ആവശ്യത്തിന്

കുരുമുളക് - ½ ടീ സ്പൂൺ

വെണ്ണ അല്ലെങ്കിൽ എണ്ണ - ഒരു ടീസ്പൂൺ

തയ്യാറാക്കുന്ന രീതി
കൂൺ നിറംമാറുന്നതുവരെ വഴറ്റുക. പാൽ, ഉപ്പ്, കുരുമുളക് എന്നിവ ചേർത്ത് മുട്ട ചെറുതായി അടിച്ചെടുക്കുക. മുട്ട പാനിൽ ഒഴിക്കുക. കുറഞ്ഞ തീയിൽ പാകം ചെയ്യുക, ഉറച്ചുകഴിഞ്ഞാൽ മടക്കിയെടുക്കുക. ഇത് ടോസ്റ്റ് അല്ലെങ്കിൽ സാലഡിനൊപ്പം ചൂടോടെ വിളമ്പാം.

മുട്ടയിൽ ധാരാളം പ്രോട്ടീൻ അടങ്ങിയതിനാൽ പെട്ടെന്ന് വിശപ്പടക്കാനും കൂടുതൽ നേരം വയറുനിറഞ്ഞതായി തോന്നാനും ഈ ഓംലെറ്റ് സഹായിക്കും. കൂണുകളിൽ വിറ്റാമിൻ ബി, ആന്റിഓക്സിഡന്റുകൾ, എന്നീ ധാതുക്കൾ അടങ്ങിയിട്ടുണ്ട്. കൂടാതെ കൂണുകളിൽ നിന്നുള്ള നാരുകൾ ദഹനത്തെ സഹായിക്കുന്നു. പോഷകങ്ങളടങ്ങിയ ഈ വിഭവം കുറഞ്ഞ കലോറിയാണ് നൽകുന്നത്. അതുകൊണ്ടു തന്നെ ശരീരഭാരം കുറയ്ക്കുന്നതിന് മഷ്‌റൂം ഓംലറ്റ് അനുയോജ്യമാണ്. 15 മിനിറ്റിനുള്ളിൽ ഈ വിഭവം തയ്യാറാക്കാം. പ്രഭാതഭക്ഷണമായി ഒട്ടേറെപ്പേർ മഷ്‌റൂം ഓംലറ്റ് കഴിക്കാറുണ്ട്.

വീട്ടിൽ മഷ്റൂം ഓംലെറ്റ് ഉണ്ടാക്കുമ്പോൾ എന്തെല്ലാം ശ്രദ്ധിക്കാമെന്ന് നോക്കാം.

ഈ വിഭവത്തിലെ കൂണുകൾ ഒരു ഫില്ലർ ചേരുവ മാത്രമല്ല, അതിനാൽ അവ പച്ചയായിതന്നെ ഉപയോഗിക്കരുത്. അവയിൽ ധാരാളം വെള്ളം അടങ്ങിയതിനാൽ കൂൺ നേരിട്ട് മുട്ടയിൽ ചേർക്കുന്നതിന് പകരം എപ്പോഴും പ്രത്യേകമായി വഴറ്റിയെടുക്കണം. ഇത് കൂണിന്റെ രുചി കൂട്ടുകയും ചെയ്യും.

കൂൺ അധികമാകരുത് 
മഷ്റൂം ഓംലെറ്റ് തയ്യാറാക്കുമ്പോൾ കൂണുകൾ കൂടുതലാവാതെ ശ്രദ്ധിക്കണം. ഓരോ കഷണത്തിലും രുചി ലഭിക്കാൻ ആവശ്യത്തിന് കൂൺ ഉപയോഗിക്കുക. നന്നായി ബാലൻസ് ചെയ്ത മഷ്റൂം ഓംലെറ്റ് അധികം കട്ടിയില്ലാതെ അനുഭവപ്പെടും. അനായാസമായി മടക്കാൻ കഴിയുന്നവിധത്തിലാവണം ഇത് തയ്യാറാക്കിയെടുക്കേണ്ടത്.

മുട്ടകൾ അമിതമായി അടിച്ചെടുക്കരുത് 
മുട്ടയുടെ മഞ്ഞയും വെള്ളയും മിനുസമായി സംയോജിക്കുന്നതുവരെ മാത്രം അടിച്ചെടുക്കുക. വിഭവത്തിന് കഫേ-സ്റ്റൈൽ ഘടന വേണമെങ്കിൽ, ഒരു സ്പൂൺ പാൽ അല്ലെങ്കിൽ വെള്ളം ചേർക്കുക. ഇത് പാകം ചെയ്യുമ്പോൾ മുട്ടകൾക്ക് വേവധികമാകാതിരിക്കാൻ സഹായിക്കുന്നു.

തീ കുറയ്ക്കുക 
തീ കൂട്ടിവെച്ചാൽ മുട്ട വളരെ വേഗത്തിൽ പാകമാകുന്നു. എന്നാൽ പുറംഭാഗം പാകം അധികമായും ഉൾഭാഗം പാകമാകാതെയും വരുന്നതിനാൽ തീ കുറച്ചുവെച്ച ശേഷം മാത്രം പാകം ചെയ്യുക.

Content Highlights: High protein and low-calorie breakfast option, Ready in under 15 minutes, Expert tips for perfect texture and flavor balance, Health benefits of mushrooms and eggs.