ക്യാരറ്റ് വെറും ഓറഞ്ചല്ല! പോഷകങ്ങളുടെ കലവറയായ കറുത്ത ക്യാരറ്റ് തരംഗമാകുന്നു

ഓറഞ്ച് ക്യാരറ്റുകൾ നമുക്ക് സുപരിചിതമാണെങ്കിലും, ഗുണങ്ങളുടെ കാര്യത്തിൽ ഏറെ മുന്നിലുള്ള കറുത്ത ക്യാരറ്റുകൾ ഇന്ന് ആരോഗ്യപ്രേമികൾക്കിടയിൽ തരംഗമാവുകയാണ്. ആന്തോസയാനിൻ എന്ന ആന്റിഓക്‌സിഡന്റിന്റെ സാന്നിധ്യമാണ് ഇവയ്ക്ക് കറുപ്പ് അല്ലെങ്കിൽ കടും വയലറ്റ് നിറം നൽകുന്നത്. ചൈന, ഇന്ത്യ, മിഡിൽ ഈസ്റ്റ് രാജ്യങ്ങൾ എന്നിവിടങ്ങളിലാണ് ഇവ പ്രധാനമായും കണ്ടുവരുന്നത്.

പോഷക സമൃദ്ധം (100 ഗ്രാമിൽ)

• കലോറി: 35 kcal

• വിറ്റാമിൻ എ: പ്രതിദിന ആവശ്യത്തിന്റെ 334%

• വിറ്റാമിൻ സി: 6%

• ഫൈബർ (നാരുകൾ): 2.9g

• പൊട്ടാസ്യം: 7%

ആരോഗ്യ ഗുണങ്ങൾ

ഇതിലെ ആന്തോസയാനിൻ കോശങ്ങളെ കേടുപാടുകളിൽ നിന്ന് സംരക്ഷിക്കുന്നു. ഇത് അർബുദം , ഹൃദ്രോഗം, പ്രമേഹം എന്നിവയ്ക്കുള്ള സാധ്യത കുറയ്ക്കുന്നു.

വിറ്റാമിൻ എ ധാരാളമായി അടങ്ങിയിട്ടുള്ളതിനാൽ കാഴ്ചശക്തി വർധിപ്പിക്കാനും തിമിരം എന്നിവ തടയാനും സഹായിക്കുന്നു.

സന്ധിവീക്കം പോലുള്ള രോഗങ്ങൾ ഉള്ളവർക്ക് ഇതിലെ ആന്തോസയാനിൻ സഹായകമായേക്കാം. 

• ദഹനം മെച്ചപ്പെടുത്തുന്നു: നാരുകൾ ധാരാളമുള്ളതിനാൽ മലബന്ധം തടയുകയും ദഹനേന്ദ്രിയത്തിന്റെ പ്രവർത്തനം സുഗമമാക്കുകയും ചെയ്യുന്നു.

• ഹൃദയാരോഗ്യം: ഇതിലെ പൊട്ടാസ്യം രക്തസമ്മർദ്ദം നിയന്ത്രിക്കാനും ചീത്ത കൊളസ്ട്രോൾ കുറയ്ക്കാനും സഹായിക്കുന്നു.

• രക്തത്തിലെ പഞ്ചസാര: ഇൻസുലിൻ പ്രതികരണം മെച്ചപ്പെടുത്തുന്നതിലൂടെ പ്രമേഹ നിയന്ത്രണത്തിന് ഇത് ഗുണകരമാണ്.

ഉപയോഗങ്ങൾ

1. ഭക്ഷണത്തിൽ: പച്ചയ്ക്കോ ജ്യൂസ് അടിച്ചോ സാലഡുകളിൽ ചേർത്തോ ഉപയോഗിക്കാം. ഇതിന് നേരിയ മധുരവും മണ്ണും കലർന്ന രുചിയുമാണുള്ളത്.

2. സ്വാഭാവിക നിറം: ഐസ്‌ക്രീമുകൾ, ജാം, പാനീയങ്ങൾ എന്നിവയ്ക്ക് നിറം നൽകാൻ പ്രകൃതിദത്ത ഡൈ ആയി ഇത് ഉപയോഗിക്കുന്നു.

3. പരമ്പരാഗത മരുന്ന്: ദഹന പ്രശ്നങ്ങൾക്കും ആന്തരിക വീക്കങ്ങൾക്കും മരുന്നായി പണ്ടുമുതലേ ഉപയോഗിക്കാറുണ്ട്.

ശ്രദ്ധിക്കേണ്ട കാര്യങ്ങൾ

അപൂർവ്വമായി ചിലരിൽ അലർജി (ചൊറിച്ചിൽ, നീർവീക്കം) കണ്ടേക്കാം. രക്തം കട്ടപിടിക്കുന്നത് തടയാനുള്ള മരുന്നുകൾ കഴിക്കുന്നവർ കറുത്ത ക്യാരറ്റ് അമിതമായി ഉപയോഗിക്കുന്നതിന് മുൻപ് ഡോക്ടറുടെ ഉപദേശം തേടണം.

Content Highlights: Discover the powerful health benefits of black carrots! Packed with antioxidants, these vibrant veggies boost immunity, improve vision, and aid digestion.