വിദ്യാർത്ഥികളുടെ തൊഴിൽശാക്തീകരണം :ടെക്നോവാലിയും ഫിസാറ്റും ധാരണ പത്രത്തിൽ ഒപ്പു വെച്ചു

കൊച്ചി : സംസ്ഥാനത്തെ  വിദ്യാർത്ഥികളുടെ  തൊഴിൽ ക്ഷമത വർധിപ്പിക്കാനും തൊഴിൽശാക്തീകരണം ഉറപ്പു വരുത്തുന്നതിനുമുള്ള ധാരണാപത്രത്തിൽ ഫെഡറൽ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയും ടെക്നോവാലി സോഫ്റ്റ്വെയർ ഇന്ത്യ പ്രൈവറ്റ് ലിമിറ്റഡും ഒപ്പുവെച്ചു.  കേരളത്തിലെ കോളേജ് വിദ്യാർത്ഥികളെ ലക്ഷ്യമാക്കി,  അപ് സ്കില്ലിങ് -  റിസ്കില്ലിങ്ങില്ലൂടെ  ഉയർന്ന വേതനം ലഭ്യമാകുന്ന ഐടി ജോലിയ്ക്ക് അവരെ പ്രാപ്തമാക്കുക  എന്ന ലക്ഷ്യം മുൻനിർത്തി രൂപകൽപ്പന ചെയ്തിരിക്കുന്ന ടെക്നോവാലി ടെക്നോളജി ക്ലബ്  എന്ന പദ്ധതിയിലൂടെയാണ്  ഇത് പ്രാവർത്തികമാക്കുന്നത്. ടെക്നോവാലി ടെക്നോളജി ക്ലബ്ബിൻ്റെ അംഗത്വം ഏറ്റെടുത്തു കൊണ്ടാണ് ഫിസാറ്റ് ഈ നൂതന പദ്ധതിക്ക് ടെക്നോവാലിക്കൊപ്പം കൈകോർത്തിരിക്കുന്നത് .

തീർത്തും സൗജന്യമായി   ആവിഷ്കരിച്ചിരിക്കുന്ന ഈ പദ്ധതി ലക്ഷ്യമിടുന്നത് , വിദ്യാർത്ഥികളുടെ തൊഴിൽ ശാക്തീകരണവും , തൊഴിൽക്ഷമത വർധിപ്പിക്കുന്നതോടൊപ്പം ഓരോ കോളേജുകളിൽ  നിന്നും തിരഞ്ഞെടുക്കപ്പെടുന്ന   200 വിദ്യാർഥികൾക്കായി  അഞ്ചു   ദിവസത്തെ സൗജന്യ വെർച്വൽ കരിയർ വർക്ക്ഷോപ്പുകൾ., സൈബർ സെക്യൂരിറ്റി, എ ഐ, മിഷ്യൻ ലേണിംഗ്, ഡാറ്റ സയൻസ് തുടങ്ങിയ അത്യാധുനിക വിഷയങ്ങളിൽ സൗജന്യ വേബിനാറുകളും പാർട്ടിസിപ്പേഷൻ സർട്ടിഫിക്കറ്റുകളും , ഇൻഡസ്ട്രിയിൽ ആവശ്യമായ സ്കിൽ തിരഞ്ഞെടുക്കുന്നതിനുള്ള മാർഗ്ഗനിർദ്ദേശങ്ങൾ , തൊഴിൽ അന്വേഷകർക്കായി സൗജന്യ കരിയർ കൗൺസിങ് എന്നിവയുമാണ്.

യോഗത്തിൽ ഫിസാറ്റ് എൻജിനീയറിങ് കോളേജ് പ്രിൻസിപ്പൽ ഡോ. ജേക്കബ് തോമസ്, അക്കാഡമിക്സ്  ഡീൻ , ഡോ. ഉണ്ണി കർത്താ ജി , ടെക്നോവാലി സോഫ്റ്റ്വെയർ ഇന്ത്യ പ്രൈവറ്റ് ലിമിറ്റഡ് ചീഫ് ഓപ്പറേറ്റിംഗ് ഓഫീസർ ആനന്ദ് , അസിസ്റ്റന്റ് ജനറൽ മാനേജർ ഡോ. കെ വി സുമിത്ര എന്നിവർ പങ്കെടുത്തു

Content Highlights: Technovalley FISAT agreement