കോട്ടൺ ടോപ് ടമാറിനുകൾക്ക് ഇരട്ടക്കുഞ്ഞുങ്ങൾ പിറന്നു; ആഘോഷമാക്കി ന്യൂക്വേ മൃഗശാല

ഇംഗ്ലണ്ടിലെ ന്യൂക്വേ മൃഗശാലയിലെ ഫെബേയ്ക്കും സാന്റിയാഗോയ്ക്കും ഉത്തരവാദിത്വം കൂടി. ന്യൂക്വേ മൃഗശാലയിലെ ആദ്യത്തെ മാതാപിതാക്കളാണ് ഇരുവരും. തലയിൽ മൃദുലമായ വെളുത്ത രോമങ്ങളോടുകൂടിയ കുരങ്ങുവർഗത്തിൽപ്പെടുന്ന കോട്ടൺ ടോപ് ടമാറിനുകളാണിവ.

2023-ൽ മൃഗശാലയിലെത്തിയ ഇരുവരും ഏപ്രിലിൽ ഇരട്ടക്കുഞ്ഞുങ്ങൾക്ക് ജന്മം നൽകിയതായി അധികൃതർ അറിയിച്ചു. വംശനാശഭീഷണി നേരിടുന്ന ഈ ജീവിവർഗം വടക്കൻ കൊളംബിയയിൽ മാത്രമാണ് കാണപ്പെടുന്നത്‌. 

നെറ്റിയുടെ മുന്നിലേക്കും കഴുത്തിനു പിന്നിലേക്കും നീളത്തിൽ വളർന്നുകിടക്കുന്ന വെളുത്ത രോമമാണ് ഇവയ്ക്ക് കോട്ടൺ ടോപ് ടമാറിൻ എന്ന പേര് ലഭിക്കാൻ കാരണം. 2000-ൽ താഴെയാണ് ഇവയുടെ എണ്ണം. ഐയുസിഎൻ ചുവന്ന പട്ടികയിലുൾപ്പെട്ട ജീവിവർഗമാണിവ.

Content Highlights: twins born for cotton tamarins born in Newquay Zoo