തലയും തൊലിയും കയറ്റുമതി, എല്ലു വാറ്റി കഷായം; പശുഫാം പോലെ സിംഹ ഫാമുള്ള ആഫ്രിക്ക | Eco Story

സിംഹം നിരവധി ലോകസംസ്കാരങ്ങളിൽ ശക്തിയുടെയും ഓജസ്സിന്റെയും അധികാരത്തിന്റെയും പ്രഭുത്വത്തത്തിന്റെയും ചിഹ്നമായിരുന്നു. തങ്ങളുടെ കൂട്ടത്തിലുള്ളവരെയും തങ്ങൾ വസിക്കുന്ന സ്ഥലത്തിന്റെ അതിർത്തിയും രക്ഷിക്കുന്നതിൽ പ്രഗത്ഭരായ സിംഹം അതുകൊണ്ടുതന്നെ രാജചിഹ്നങ്ങളിലെ സജീവസാന്നിധ്യമാണ്. ആഫ്രിക്കയിലും ഇന്ത്യയിലെങ്ങും ഒരുകാലത്ത് ഉണ്ടായിരുന്ന സിംഹം ഇപ്പോൾ ആഫ്രിക്കയുടെ ചിലപ്രദേശങ്ങളിലും ഇന്ത്യയിലെ ഗിർ വനങ്ങളിലും മാത്രമായി ഒതുങ്ങി. മാത്രവുമല്ല അവയുടെ എണ്ണം വളരെയേറെ കുറയുകയും ചെയ്തു. ഇങ്ങനെ വംശനാശഭീഷണിയിൽ ഉള്ള ഒരു ജീവിയാണെങ്കിലും സിംഹത്തെ വളർത്തി അവയുടെ ശരീരഭാഗങ്ങൾ കയറ്റുമതി ചെയ്യുന്ന ഒരു വ്യവസായം നിലനിൽക്കുന്ന പ്രദേശമാണ് ആഫ്രിക്ക.

2016-2019 കാലത്ത് 3300 ലേറെ തടവിലിട്ടു വളർത്തിയ സിംഹങ്ങളുടെ അസ്ഥികൂടവും ശരീരഭാഗങ്ങളും വിയറ്റ്നാം, ലാവോസ്, തെക്ക് കിഴക്കേഷ്യ എന്നിവിടങ്ങളിലേക്കെല്ലാം ദക്ഷിണാഫ്രിക്ക കയറ്റിയയച്ചു. ഇതിലെ വലിയഭാഗം കയറ്റുമതിയും നിയമപരമായ രീതിയിലായിരുന്നു.

Content Highlights: The industry, which exports lion parts, is still active in Africa, Eco Story