ട്രംപിന് ഭയം സ്ത്രീവോട്ടർമാരെ, ഗർഭച്ഛിദ്രം നിരോധിക്കുമോ; ലിങ്കൺ നയിച്ച പാർട്ടിയുടെ പോക്കെങ്ങോട്ട്?

മറ്റ് പലരുടേയും കാര്യങ്ങളിൽ ഇടപെടുന്നവരോട് നാം തമാശയ്ക്ക് പറയുന്ന ഒരു കാര്യമുണ്ട്, 'നീ എന്താ അമേരിക്ക ചമയുകയാണോ' അതോ, 'വലിയ ലോകപോലീസ് കളിക്കുകയാണോ' എന്ന്. അത്ര നിസ്സാരമല്ല ഈ തമാശ. അമേരിക്കൻ നയങ്ങൾക്കും തീരുമാനങ്ങൾക്ക് പലനാടുകളിലേയും മനുഷ്യരുടെ ജീവന്റെ വിലയുണ്ട്. ഇക്കാരണം ഒന്നുകൊണ്ടുതന്നെയാണ് നമ്മളേക്കാൾ ഒമ്പത് മണിക്കൂറും 30 മിനിറ്റും പിന്നിലോടുന്ന ആ രാജ്യത്തെ രാഷ്ട്രീയ തീരുമാനങ്ങൾക്കുവേണ്ടി നാം കാതോർക്കുന്നത്. അന്നാട്ടിലെ അങ്ങേയറ്റം സങ്കീർണമായ തിരഞ്ഞെടുപ്പ് കോലാഹലത്തെ സസൂക്ഷ്മം നിരീക്ഷിക്കുന്നത്.
ഇപ്പോഴിതാ, മാസങ്ങൾ നീണ്ടുനിന്ന വാഗ്വാദങ്ങൾക്കും ആക്രമണ പ്രത്യാക്രമണങ്ങൾക്കും ഇന്നേക്ക് അഞ്ചാംനാൾ വിധിയാണ്. അമേരിക്കൻ ഐക്യനാടുകളെ നയിക്കാൻ ട്രംപോ കമലയോ എന്നത് ദിവസങ്ങൾക്കുള്ളിൽ വ്യക്തമാകും. ഒരുപടി മുന്നിൽ ട്രംപ് ആണെന്നാണ് സർവേ ഫലങ്ങൾ നൽകുന്ന സൂചന. എന്നാൽ, പതിയെ തുടങ്ങി കൊട്ടിക്കയറി ക്ലൈമാക്സിൽ മാറിമറിയുന്ന ഒരു ത്രില്ലർ സിനിമയോളം അപ്രതീക്ഷിതമായ ജനവിധികളുണ്ടായ ചരിത്രമുണ്ട് യു.എസ്സിന്.
Content Highlights: us presidential election 2024, republican party history policies