തിളങ്ങാതെപോയ 'ഇന്ത്യ ഷൈനിങ്ങും', ശവപ്പെട്ടി കുംഭകോണത്തിൽ നിന്ന് ഉയർത്തെഴുന്നേൽക്കാത്ത ബി.ജെ.പിയും

2015 ഒക്ടോബറിലാണ് രാജ്യത്ത് രാഷ്ട്രീയ കോളിളക്കം സൃഷ്ടിച്ച ശവപ്പെട്ടി കുംഭകോണം മുന്‍ എന്‍ഡിഎ സര്‍ക്കാരിന് ക്ലീന്‍ ചിറ്റ് നല്‍കിക്കൊണ്ടുള്ള സുപ്രീം കോടതി വിധി പുറത്തുവന്നത്. 'എനിക്ക് ക്ലീന്‍ ചിറ്റിന്റെ ആവശ്യമില്ല, കാരണം മന്ത്രിയായിരിക്കെ എന്റെ മേശപ്പുറത്ത് എത്തിയ ഫയലുകളിലൂടെയല്ല ശവപ്പെട്ടി ഇടപാട് നടന്നത്' എന്നായിരുന്നു വിധിക്ക് പിന്നാലെ അന്നത്തെ പ്രതിരോധമന്ത്രിയായിരുന്ന ജോര്‍ജ് ഫെര്‍ണാണ്ടസ് പ്രതികരിച്ചത്. അഴിമതി ആരോപണം ഉയര്‍ന്ന അന്നുമുതല്‍ ജോര്‍ജ് ഫെര്‍ണാണ്ടസ് ആവര്‍ത്തിച്ച വിശദീകരണത്തിന്റെ തുടര്‍ച്ചയായിരുന്നു ഇതെങ്കിലും രാജ്യത്തിനുവേണ്ടി ധീരത്യാഗം ചെയ്തവര്‍ക്കുള്ള ശവപ്പെട്ടിയില്‍ പോലും അഴിമതി നിറയ്ക്കുന്നവര്‍ എന്ന പഴി ജോര്‍ജ് ഫെര്‍ണാണ്ടസിനേയും വാജ്പേയ് നയിക്കുന്ന എന്‍ഡിഎ സര്‍ക്കാരിനേയും ദശാബ്ദത്തിലേറെക്കാലം വേട്ടയാടി. 2004ലെ തിരഞ്ഞെടുപ്പിനെ പോലും അഴിമതി വിവാദങ്ങള്‍ ചൂഴ്ന്നു. ശവപ്പെട്ടി ഇടപാടിൽ ക്രമക്കേട് നടന്നുവെന്ന് ചൂണ്ടിക്കാട്ടുന്ന സിഎജി റിപ്പോര്‍ട്ട് പുറത്തുവന്ന് രണ്ട് വര്‍ഷത്തിനിപ്പുറം നടന്ന തിരഞ്ഞെടുപ്പില്‍ ബിജെപി സഖ്യം ദയനീയമായി പരാജയപ്പെട്ടു. എന്‍ഡിഎയെ തോല്‍വിയിലേക്ക് നയിച്ച പ്രബലമായ തിരഞ്ഞെടുപ്പ് പ്രചാരണവിഷയങ്ങളിലൊന്ന് ശവപ്പെട്ടി അഴിമതിക്കേസായിരുന്നു. എങ്ങനെയാണ് ശവപ്പെട്ടി കേസ് 2004ലെ തിരഞ്ഞെടുപ്പിനെ സ്വാധീനിച്ചത്? കേസിന്റെ ഭാവിയെന്തായിരുന്നു? ഗുരുതരമായ ആരോപണങ്ങളെ എങ്ങനെയാണ് ബിജെപി നേരിട്ടത്? 

ശവപ്പെട്ടി ഇടപാടും ആരോപണങ്ങളും 

Content Highlights: Kargil coffin scam and 2004 general election