ഹൈദരാബാദ് നൈപറില്‍ ഗവേഷണം നടത്താം
ഹൈദരാബാദിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഫാര്‍മസ്യൂട്ടിക്കല്‍ എജ്യുക്കേഷന്‍ ആന്‍ഡ് റിസര്‍ച്ചില്‍ (നൈപര്‍) പിഎച്ച്.ഡി. പ്രോഗ്രാം പ്രവേശനത്തിന് ഇപ്പോള്‍ അപേക്ഷിക്കാം.
മെഡിസിനല്‍ കെമിസ്ട്രി, ഫാര്‍മസ്യൂട്ടിക്കല്‍ അനാലിസിസ്, ഫാര്‍മക്കോളജി ആന്‍ഡ് ടോക്‌സിക്കോളജി, ഫാര്‍മസ്യൂട്ടിക്‌സ്, ഫാര്‍മസ്യൂട്ടിക്കല്‍ ടെക്‌നോളജി (പ്രോസസ് കെമിസ്ട്രി) തുടങ്ങിയ വിഷയങ്ങളിലാണ് അവസരം.
യോഗ്യത: എം.എസ്.(ഫാം), എം.ഫാം., എം.ടെക്. (ഫാം), എം.എസ്‌സി., എം.ഇ., എം.വി.എസ്.സി., എം.ഡി. എന്നിവയിലൊന്ന് വേണം. വിഷയങ്ങള്‍ ഇവയില്‍ ഒന്നാകാം: മെഡിസിനല്‍ കെമിസ്ട്രി, പ്രോസസ് കെമിസ്ട്രി, ഫാര്‍മസ്യൂട്ടിക്കല്‍ കെമിസ്ട്രി, നാച്വറല്‍ പ്രോഡക്ട്‌സ്, ഫാര്‍മക്കോളജി ആന്‍ഡ് ടോക്‌സിക്കോളജി, ലൈഫ് സയന്‍സസ്, ഫാര്‍മസ്യൂട്ടിക്‌സ്, ഫോര്‍മുലേഷന്‍സ്, ഫാര്‍മക്കോ ഇന്‍ഫര്‍മാറ്റിക്‌സ്, ഫാര്‍മസ്യൂട്ടിക്കല്‍ അനാലിസിസ്, ബയോമെഡിക്കല്‍ എന്‍ജിനിയറിങ്. എം.എസ്‌സി. (ഓര്‍ഗാനിക്/അനലറ്റിക്കല്‍ കെമിസ്ട്രി), എം.ബി.എ.(ഫാം) ബിരുദധാരികള്‍ക്കും അപേക്ഷിക്കാം.
അപേക്ഷാര്‍ഥിക്ക് ഡി.എസ്.ടി., ഡി.ബി.ടി., സി.എസ്.ഐ.ആര്‍., ഐ.സി.എം.ആര്‍., ഡി.എസ്.ടി. ഇന്‍സ്പയര്‍. എന്നിവയിലൊരു ഫെലോഷിപ്പുണ്ടായിരിക്കണം. അപേക്ഷ ആമുഖക്കത്ത്, സി.വി. എന്നിവ സഹിതം, dean.niperhyd@gov.in ലേക്ക് അയക്കണം.
Content Highlights: NIPER invites application for research, apply now
Content Highlights: