മുംബൈ ഹോട്ടൽ മാനേജ്മെന്റ്‌ ഇൻസ്റ്റിറ്റ്യൂട്ടിൽ ഷോർട്ട് ടേം കോഴ്സുകൾ

കേന്ദ്ര ടൂറിസം മന്ത്രാലയത്തിന്റെ കീഴിലുള്ള, സ്വയംഭരണ സ്ഥാപനമായ, മുംബൈ, ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റിന്റെ കാറ്ററിങ് ടെക്നോളജി ആൻഡ് അപ്ലൈഡ് ന്യുട്രീഷൻ (ഐ.എച്ച്.എം.സി.ടി.­എ.എൻ.), വിവിധ റെഗുലർ ഷോർട്ട് ടേം പ്രോഗ്രാമുകളിലേക്ക് അപേക്ഷിക്കാം. കോഴ്സുകൾ, ദൈർഘ്യം, പ്രവേശന യോഗ്യത എന്നിവ:

• പോസ്റ്റ് ഗ്രാജ്വേറ്റ് ഡിപ്ലോമ ഇൻ ഹോട്ടൽ കൺസൽട്ടൻസി (ഒരു വർഷം): ഇവയിൽ ഒരു യോഗ്യത വേണം (i) ഹോസ്പിറ്റാലിറ്റി/കളിനറി ആർട്ട് ബിരുദം (ii) ജനറൽ ബിരുദവും രണ്ടുവർഷത്തെ ഹോട്ടൽ ഇൻഡസ്ട്രി പ്രവൃ ത്തിപരിചയവും (iii) ബിരുദവും കുറഞ്ഞത് ഒരു വർഷം ദൈർഘ്യമുള്ള ഹോസ്പിറ്റാലിറ്റി ട്രേഡ് ഡിപ്ലോമയും (iv) ഏതെങ്കിലും ഹോസ്പിറ്റാലിറ്റി ട്രേഡിൽ പി.ജി. ഡിപ്ലോമ (v) ഹോസ്പിറ്റാലിറ്റി/ഹോട്ടൽ മാനേജ്മെന്റ്‌ മാസ്റ്റേഴ്സ് ബിരുദം
• ക്രാഫ്റ്റ് കോഴ്സ് ഇൻ പ്രൊഫഷണൽ ബാർടെൻഡിങ് (ആറ് മാസം) - 10+2

രണ്ടു പ്രോഗ്രാമുകളുടെയും പ്രവേശനത്തിന് ഉയർന്ന ­പ്രായപരിധിയില്ല. സീറ്റുകൾ, 30 വീതം. അപേക്ഷാ ഫോറം www.ihmctan.edu ൽ നിന്നും ഡൗൺ ലോഡുചെയ്തെടുക്കാം. അപേക്ഷാ ഫീസ് 1000 രൂപ. പട്ടിക/ഇ.ഡബ്ല്യു.എസ്. വിഭാഗക്കാർക്ക് 500 രൂപ. അടയ്ക്കേണ്ട രീതി അപേക്ഷാ ഫോമിൽ നൽകിയിട്ടുണ്ട്‌.

പൂരിപ്പിച്ച അപേക്ഷയും അനുബന്ധ രേഖകളും സെപ്‌റ്റംബർ 18-ന് വൈകീട്ട് മൂന്നിനകം ബോംബെ ഐ.എച്ച്.എം.സി.ടി.എ.എൻ-ൽ നേരിട്ടോ തപാൽ വഴിയോ ലഭിക്കണം. വിലാസം: വീർ സവാർക്കർ മാർഗ്, ദാദർ വെസ്റ്റ്, മുംബൈ- 400 028.

Content Highlights: mumbai, hotel management institute, short term courses, diploma courses, latest news