വിവര സാങ്കേതിക പഠനം നോര്ക്ക സ്കോളര്ഷിപ്പോടെ; ഫെബ്രുവരി 25നകം അപേക്ഷിക്കാം
വിവര സാങ്കേതിക വിദ്യാരംഗത്ത് മികച്ച തൊഴില് സാധ്യതയുള്ള കോഴ്സുകളിലേക്ക് നോര്ക്ക റൂട്ട്സ്, ഇന്ഫര്മേഷന് കമ്മ്യൂണിക്കേഷന് ടെക്നോളജി അക്കാദമി ഓഫ് കേരള (ഐ.സി.ടി.എ.കെ)യുമായി സഹകരിച്ച് പരിശീലന പരിപാടി സംഘടിപ്പിക്കുന്നു. തെരഞ്ഞെടുക്കപ്പെടുന്നവര്ക്ക് മൊത്തം ഫീസിന്റെ 75% നോര്ക്ക റൂട്ട്സ് സ്കോളര്ഷിപ്പ് നല്കും.
ഡാറ്റാ വിഷ്വലൈസേഷന് യൂസിങ് ടാബ്ലോ, സോഷ്യല് മീഡിയ മാര്ക്കറ്റിംഗ് ആന്ഡ് എസ്.ഇ.ഒ, മെഷീന് ലേര്ണിംഗ്/ആര്ട്ടിഫിഷ്യല് ഇന്റലിജന്സ്, ഫ്രണ്ട് എന്ഡ് ആപ്ലിക്കേഷന് ഡവലപ്മെന്റ് യൂസിങ് ആംഗുലാര്, ആര്പിഎ യൂസിങ് യൂ ഐ പാത്ത് എന്നീ ഹ്രസ്വകാല കോഴ്സുകളിലാണ് പരിശീലനം.
ഓരോ കോഴ്സിനും 6900 + ജി.എസ്.ടി ആണ് ഫീസ്. താല്പര്യമുള്ളവര് ഫെബ്രുവരി 25-ന് മുന്പ് https://ictkerala.org/ മുഖാന്തിരം രജിസ്റ്റര് ചെയ്യുക. കൂടുതല് വിവരങ്ങള്ക്ക് 8078102119 എന്ന നമ്പറില് ബന്ധപ്പെടുക.
Content Highlights: Information technology learning with Norka scholarship
Content Highlights: