സംസ്കൃത സര്വ്വകലാശാലയില് ആയുര്വേദ പഞ്ചകര്മ്മ ആന്ഡ് ഇന്റര്നാഷണല് സ്പാ തെറാപ്പിയില് ഡിപ്ലോമ
ശ്രീശങ്കരാചാര്യ സംസ്കൃത സര്വ്വകലാശാലയുടെ ഏറ്റുമാനൂര് പ്രാദേശിക ക്യാമ്പസിലെ ഡിപ്ലോമ ഇന് ആയുര്വേദ പഞ്ചകര്മ്മ ആന്ഡ് ഇന്റര്നാഷണല് സ്പാ തെറാപ്പി പ്രോഗ്രാമിലേയ്ക്ക് അപേക്ഷ ക്ഷണിച്ചു. ഓണ്ലൈനായി അപേക്ഷിക്കണം.
ഒരു വര്ഷമാണ് കോഴ്സിന്റെ കാലാവധി. ആകെ 20 സീറ്റുകള്. പ്ലസ് ടു/ വൊക്കേഷണല് ഹയര് സെക്കന്ററി അല്ലെങ്കില് തത്തുല്യ യോഗ്യതയുളളവര്ക്ക് അപേക്ഷിക്കാം. ഏതെങ്കിലും വിഷയത്തില് അംഗീകൃത സര്വ്വകലാശാലയില്നിന്ന് ബിരുദം നേടിയവര്ക്കും അപേക്ഷിക്കാം. ശാരീരിക ക്ഷമത, ഇന്റര്വ്യൂ എന്നിവയുടെ അടിസ്ഥാനത്തിലാണ് പ്രവേശനം.
പ്രായം 2025 മേയ് 22-ന് 17-നും 30-നും ഇടയില്. അപേക്ഷകള് ഓണ്ലൈനായി സമര്പ്പിക്കേണ്ട അവസാന തീയതി ജൂണ് എട്ട്. കൂടുതല് വിവരങ്ങള്ക്ക് www.ssus.ac.in സന്ദര്ശിക്കുക.
Content Highlights: Apply for the 1-year Diploma in Ayurveda Panchakarma & International Spa Therapy at SSUS