'യെസ് ക്വിസ് മി' വിജയികളെ പ്രഖ്യാപിച്ചു| ചോദ്യങ്ങളും ഉത്തരങ്ങളും അറിയാം | 07.11.2024

മാതൃഭൂമിയും ഫെയർ ഫ്യൂച്ചർ ഓവർസീസ് എജുക്കേഷൻ കൺസൽട്ടൻസിയും സംയുക്തമായി നടത്തുന്ന 'യെസ് ക്വിസ് മി' ക്വിസ് മത്സരത്തിലെ ഏഴാം ദിവസത്തെ വിജയികളെ പ്രഖ്യാപിച്ചു. കോളേജ്​തല മത്സരത്തിന് മുന്നോടിയായി പൊതുജനങ്ങൾക്കായി നടത്തിയ ഓൺലൈൻ മത്സരത്തിന്റെ ഫലമാണ് പ്രസിദ്ധീകരിച്ചത്.

കൊച്ചി എളമക്കര സ്വദേശി ​ഗോവിന്ദ് കൃഷ്ണനാണ് ഒന്നാം സ്ഥാനം. സരസ്വതി വിദ്യാനികേതൻ പബ്ലിക് സ്കൂളിലെ പന്ത്രണ്ടാം ക്ലാസ് വിദ്യാർഥിയാണ് ​ഗോവിന്ദ്. തൃപ്പൂണിത്തുറ സ്വദേശി ജസീർ കെ.ബി. രണ്ടാം സ്ഥാനവും തിരുവനന്തപുരം സ്വദേശി അനന്യ പി എസ് മൂന്നാം സ്ഥാനവും നേടി. പത്താം ക്ലാസ് വിദ്യാർഥിനിയാണ് അനന്യ.

ഇന്നത്തെ ചോദ്യങ്ങളും ഉത്തരങ്ങളും

1. ദാസേട്ടനെ സസ്നേഹം വിളിക്കുന്ന പേരാണല്ലോ ഗാനഗന്ധർവൻ. അദ്ദേഹത്തിനു ഈ പേര് നൽകിയത് മലയാളത്തിലെ പ്രസിദ്ധനായ ഒരു കവിയാണ്. അദ്ധേഹത്തിന്റെ ‘ശ്രാന്തമംബരം’ എന്ന കവിത ദാസേട്ടൻ പാടി കേട്ടതിനു ശേഷമാണ് ഇങ്ങനെ വിശേഷിപ്പിച്ചത്. ആര്?

ഉത്തരം: ജി.ശങ്കരക്കുറുപ്പ്  

2.  2024ൽ 3 ലക്ഷം രൂപക്ക് വിറ്റു പോയ ബുൾബുൾ എന്ന ചിത്രമാണ് നൽകിയിരിക്കുന്നത്. ഈ ഫോട്ടോ എടുത്ത ഫോട്ടോഗ്രാഫർ തന്റെ ചെറുപ്പകാലത്ത് ഒരു പ്രൊഫഷണൽ വോളിബോൾ കളിക്കാരൻ കൂടിയായിരുന്നു. നമുക്ക് സുപരിചിതനായ ഏതു വ്യക്തിയാണ് ഈ ഫോട്ടോഗ്രാഫർ?
ഉത്തരം: മമ്മൂട്ടി 

3. "ലാഫിംഗ് വില്ല" എന്ന് വീട്ടുപേരുള്ള ഇദ്ദേഹത്തിന്റെ ഓർമക്കുറിപ്പാണ് "ഈശ്വരാ വഴക്കില്ലല്ലോ" എന്നത്. കമ്പാർട്ട്മെൻ്റ് എന്ന സിനിമയിലൂടെ സംവിധയാകനായി എത്തിയ ഇദ്ദേഹമാണ് കൊച്ചിൻ സ്റ്റാലിയൻസ് എന്ന ട്രൂപ്പ് നടത്തിയിരുന്നത്.ആര്?

ഉത്തരം: സലിം കുമാർ

Content Highlights: Yes quiz me questions and answers november 07