15 ലക്ഷം രൂപവരെ നേടാം! എസ്ബിഐ ആശാ സ്കോളർഷിപ്പ്; വിവരങ്ങളറിയാം
സാമ്പത്തികമായി പിന്നാക്കം നിൽക്കുന്ന സമർത്ഥരായ വിദ്യാർത്ഥികൾക്കായി എസ്.ബി.ഐ ഫൗണ്ടേഷൻ ( നൽകുന്ന എസ്.ബി.ഐ. പ്ലാറ്റിനം ജൂബിലി ആശാ സ്കോളർഷിപ് 2026-ന് അപേക്ഷകൾ ക്ഷണിച്ചു. രാജ്യത്തുടനീളമുള്ള 25,707 വിദ്യാർത്ഥികൾക്കായി 100 കോടി രൂപയുടെ ധനസഹായമാണ് ലഭിക്കുക.
പ്രധാന വിവരങ്ങൾ:
സ്കോളർഷിപ്പ് തുക: തിരഞ്ഞെടുക്കപ്പെടുന്ന കോഴ്സിന് അനുസരിച്ച് 15,000 രൂപ മുതൽ 15 ലക്ഷം രൂപ വരെ ലഭിക്കും.
അവസാന തീയതി: അപേക്ഷകൾ സമർപ്പിക്കേണ്ട അവസാന തീയതി 2026 സെപ്റ്റംബർ നാലാണ്.
ആർക്കൊക്കെ അപേക്ഷിക്കാം (വിഭാഗങ്ങൾ):
സ്കൂൾ വിദ്യാർത്ഥികൾ (ക്ലാസ് 9 മുതൽ 12 വരെ)
ബിരുദ വിദ്യാർത്ഥികൾ
ബിരുദാനന്തര ബിരുദ വിദ്യാർഥികൾ
എം.ബി.ബി.എസ് വിദ്യാർഥികൾ
ഐ.ഐ.ടി, ഐ.ഐ.എം വിദ്യാർഥികൾ
വിദേശത്ത് ഉപരിപഠനം നടത്തുന്ന മാസ്റ്റേഴ്സ് വിദ്യാർഥികൾ
യോഗ്യതാ മാനദണ്ഡങ്ങൾ:
മാർക്ക്: മുൻ അധ്യയന വർഷത്തിൽ കുറഞ്ഞത് 75% മാർക്കോ 7.5 CGPA യോ ഉണ്ടായിരിക്കണം.
കുടുംബ വാർഷിക വരുമാനം:
സ്കൂൾ വിദ്യാർത്ഥികൾക്ക്: പരമാവധി ₹3,00,000.
കോളേജ്/ഉപരിപഠന വിദ്യാർത്ഥികൾക്ക്: പരമാവധി ₹6,00,000.
സ്ഥാപനങ്ങൾ: ഉന്നതവിദ്യാഭ്യാസ ഉദ്യോഗാർത്ഥികൾ NAAC 'A' ഗ്രേഡോ അതിനുമുകളിലോ ഉള്ള സ്ഥാപനങ്ങളിലോ, NIRF Top 300 /QS Top 200 റാങ്കിംഗിലുള്ള സ്ഥാപനങ്ങളിലോ പഠിക്കുന്നവരായിരിക്കണം.
അപേക്ഷിക്കേണ്ട വിധം:
എസ്.ബി.ഐ ആശാ സ്കോളർഷിപ്പിന്റെ ഔദ്യോഗിക പോർട്ടൽ സന്ദർശിക്കുക.
നിങ്ങളുടെ പഠനവിഭാഗം തിരഞ്ഞെടുത്ത് ഓൺലൈൻ അപേക്ഷ പൂരിപ്പിക്കുക.
ആവശ്യമായ രേഖകൾ (മാർക്ക് ലിസ്റ്റ്, വരുമാന സർട്ടിഫിക്കറ്റ് മുതലായവ) അപ്ലോഡ് ചെയ്ത് അപേക്ഷ സമർപ്പിക്കുക.
Content Highlights: SBI Foundation has invited online applications for the SBI Platinum Jubilee Asha Scholarship 2026, offering financial support ranging from ₹15,000 to ₹15 Lakh for deserving students from Class 9 to foreign postgraduate studies, with the application deadline set for September 4, 2026.