63,296 സർക്കാർ എം.ബി.ബി.എസ് സീറ്റുകൾ, 25 പുതിയ കോളേജുകൾ; നീറ്റ് പരീക്ഷാർഥികൾ അറിയേണ്ടതെല്ലാം!

നീറ്റ് യു.ജി 2026 പുനഃപരീക്ഷാ ഫലം ഈ ആഴ്ച അവസാനം പുറത്തുവരാനിരിക്കേ, എം.ബി.ബി.എസ് പരീക്ഷാർഥികൾക്ക് ആശ്വാസവാർത്ത. ഈ വർഷം ഇന്ത്യയിലുടനീളം 9,911 എം.ബി.ബി.എസ് സീറ്റുകളാണ് പുതുതായി വർദ്ധിപ്പിച്ചത്. ഇതിൽ 2,111 സർക്കാർ സീറ്റുകളും ഉൾപ്പെടുന്നു. കൂടാതെ, 2026-27 അധ്യയന വർഷത്തേക്ക് പുതുതായി 25 മെഡിക്കൽ കോളേജുകൾക്ക് അനുമതിയും ലഭിച്ചിട്ടുണ്ട്.

ഇതോടെ രാജ്യത്തെ ആകെ എം.ബി.ബി.എസ് സീറ്റുകളുടെ എണ്ണം 1,27,028-ൽ നിന്ന് റെക്കോർഡ് കണക്കായ 1,36,939 ആയി ഉയർന്നു. നാഷണൽ ടെസ്റ്റിങ് ഏജൻസി ഫലം പ്രഖ്യാപിച്ച ഉടൻതന്നെ കൗൺസിലിങ് നടപടികൾ ആരംഭിക്കും. പുനഃപരീക്ഷ കാരണം ഇത്തവണ അഡ്മിഷൻ വൈകിയതിനാൽ, കൗൺസിലിങ് പ്രക്രിയ വളരെ വേഗത്തിൽ പൂർത്തിയാക്കാനാണ് സാധ്യത.

25 പുതിയ മെഡിക്കൽ കോളേജുകൾക്ക് അനുമതി

സീറ്റുകൾ വർദ്ധിച്ചതിന് പ്രധാന കാരണം പുതുതായി അനുവദിച്ച 25 മെഡിക്കൽ കോളേജുകളാണ്. ഇവയിലൂടെ ആകെ 2,400 എം.ബി.ബി.എസ് സീറ്റുകൾ അധികമായി ലഭിക്കും:

• 7 പുതിയ സർക്കാർ മെഡിക്കൽ കോളേജുകൾ: 400 എം.ബി.ബി.എസ് സീറ്റുകൾ നൽകും.

• 18 പുതിയ സ്വകാര്യ മെഡിക്കൽ കോളേജുകൾ: 2,000 എം.ബി.ബി.എസ് സീറ്റുകൾ നൽകും.

ഇതോടെ ഇന്ത്യയിലെ ആകെ മെഡിക്കൽ കോളേജുകളുടെ എണ്ണം 823 ആയി ഉയർന്നു. ഇതിൽ 441 സർക്കാർ കോളേജുകളും 382 സ്വകാര്യ കോളേജുകളും ഉൾപ്പെടുന്നു.

സർക്കാർ സീറ്റുകൾ 63,296 ആയി ഉയർന്നു

• സർക്കാർ സീറ്റുകൾ: സർക്കാർ മെഡിക്കൽ കോളേജുകളിലെ സീറ്റുകൾ 61,185-ൽ നിന്ന് 63,296 ആയി വർദ്ധിച്ചു (2,111 സീറ്റുകളുടെ വർദ്ധനവ്).

• സ്വകാര്യ സീറ്റുകൾ: സ്വകാര്യ മേഖലയിൽ 7,800 സീറ്റുകൾ അധികമായി വർദ്ധിച്ചതോടെ ആകെ സീറ്റുകൾ 73,643 ആയി ഉയർന്നു.

എം.ബി.ബി.എസ് സീറ്റുകളിൽ കർണാടക മുന്നിൽ

ദേശീയ മെഡിക്കൽ കമ്മീഷന്റെ സംസ്ഥാനങ്ങൾ തിരിച്ചുള്ള കണക്കുകൾ പ്രകാരം രാജ്യത്ത് ഏറ്റവും കൂടുതൽ എം.ബി.ബി.എസ് സീറ്റുകളുള്ളത് കർണാടകയിലാണ്.

കൂടുതൽ സീറ്റുകളുള്ള സംസ്ഥാനങ്ങൾ:

20 ലക്ഷത്തിലധികം വരുന്ന വിദ്യാർഥികളാണ് നീറ്റ് യു.ജി പുനഃപരീക്ഷ എഴുതിയത്. 

Content Highlights: Ahead of the NEET UG 2026 re-exam results, India sees a record addition of 9,911 MBBS seats and the approval of 25 new medical colleges, taking the total available medical seats to an all-time high of 1,36,939.