നീറ്റ് യുജി; ചോയ്‌സ്-ലോക്കിങ് സൗകര്യം ഓഗസ്റ്റ് 11 വരെ നീട്ടി
നീറ്റ് യുജി 2025-ന്റെ ചോയ്‌സ്-ലോക്കിങ് സൗകര്യം ഓഗസ്റ്റ് 11 വരെ നീട്ടി. ഉദ്യോഗാര്‍ത്ഥികള്‍ക്ക് കമ്മിറ്റിയുടെ ഔദ്യോഗിക വെബ്‌സൈറ്റായ mcc.nic.inല്‍ തങ്ങളുടെ ഓപ്ഷനുകള്‍ നല്‍കാം.
നിരവധി ഉദ്യോഗാര്‍ത്ഥികളുടെ അഭ്യര്‍ത്ഥന മാനിച്ചാണ് ഈ തീരുമാനം. ഓഗസ്റ്റ് 9-ന് പ്രസിദ്ധീകരിക്കാനിരുന്ന നീറ്റ് യുജി കൗണ്‍സിലിങ് ഫലം ഓഗസ്റ്റ് 11-ലേക്ക് മാറ്റിയിരുന്നു. ചോയ്‌സ് ഫില്ലിങ്ങിനുള്ള തീയതി നീട്ടിയ സാഹചര്യത്തില്‍, ഫലം ഓഗസ്റ്റ് 11-ന് ശേഷം പ്രഖ്യാപിക്കുമെന്നാണ് പ്രതീക്ഷിക്കുന്നത്.
എംസിസി നീറ്റ് യുജി ഒന്നാം റൗണ്ട് കൗണ്‍സിലിങ് ഫലം എങ്ങനെ ഡൗണ്‍ലോഡ് ചെയ്യാം?
- ഔദ്യോഗിക വെബ്‌സൈറ്റായ mcc.nic.in സന്ദര്‍ശിക്കുക.
- ഹോംപേജില്‍, നീറ്റ് യുജി റൗണ്ട് 1 2025 ഫലം (NEET UG Round 1 2025 Result) എന്ന ലിങ്കില്‍ ക്ലിക്ക് ചെയ്യുക.
- നിങ്ങളുടെ സീറ്റ് അലോട്ട്‌മെന്റ് ഫലം സ്‌ക്രീനില്‍ ദൃശ്യമാകും.
- ഫലം ഡൗണ്‍ലോഡ് ചെയ്ത് ഭാവിയിലെ ആവശ്യങ്ങള്‍ക്കായി സൂക്ഷിക്കുക.
- ഒന്നാം റൗണ്ടില്‍ സീറ്റ് ലഭിക്കുന്ന ഉദ്യോഗാര്‍ത്ഥികള്‍ പ്രവേശനത്തിനായി അലോട്ട്‌മെന്റ് ലഭിച്ച കോളേജില്‍ ഹാജരാകേണ്ടതാണ്. ഫലത്തില്‍ തൃപ്തരല്ലാത്തവര്‍ക്കോ സീറ്റ് ലഭിക്കാത്തവര്‍ക്കോ അടുത്ത കൗണ്‍സിലിങ് ഘട്ടം ആരംഭിക്കുന്നതുവരെ കാത്തിരിക്കാം.
ഒന്നാം റൗണ്ട് കൗണ്‍സിലിങ്ങിന്റെ പുതുക്കിയ സമയക്രമം സംബന്ധിച്ച പുതിയ വിവരങ്ങള്‍ക്കായി ഉദ്യോഗാര്‍ത്ഥികള്‍ കമ്മിറ്റിയുടെ ഔദ്യോഗിക വെബ്‌സൈറ്റ് സന്ദര്‍ശിക്കുന്നത് തുടരുക.
Content Highlights: NEET UG 2025 counselling choice locking extended till August 11