ഇൻക്ലൂസീവ് ക്ലാസ് റൂമുകൾക്ക് ഊന്നൽ; എഡ്യൂബ്രിസ്‌ക് സ്‌കൂൾ ലീഡേഴ്‌സ് റിട്രീറ്റ് സംഘടിപ്പിച്ചു

എല്ലാവരെയും ഉൾക്കൊള്ളുന്ന പഠനരീതികൾക്ക് (Inclusive Classrooms) ഊന്നൽ നൽകിക്കൊണ്ട്, 2026 ജനുവരി 16 മുതൽ 18 വരെ തമിഴ്‌നാട്ടിലെ 20 സി.ബി.എസ്.ഇ (CBSE) സ്‌കൂൾ മേധാവികൾക്കായി എഡ്യൂബ്രിസ്‌ക് (EduBrisk) സംഘടിപ്പിച്ച ത്രിദിന സ്‌കൂൾ ലീഡേഴ്‌സ് റിട്രീറ്റിൽ, ഇൻക്ലൂസീവ് ക്ലാസ് റൂം രീതികൾ, ന്യൂറോ സയൻസ് അധിഷ്ഠിത അധ്യാപനം, ഡാറ്റാ അധിഷ്ഠിത സ്‌കൂൾ മാനേജ്മെന്റ് എന്നീ വിഷയങ്ങളിൽ ചർച്ചകളും കഴിവ് വികസന പരിശീലനങ്ങളും നടന്നു.

ഓർഗ്ലെൻസ് (Orglens), ഹോർത്തൂസ് മലബാറിക്കസ് ബൊട്ടാണിക്കൽ ഗാർഡൻ എന്നിവയുടെ സഹകരണത്തോടെ നടന്ന പരിപാടിക്ക് എഡ്യൂബ്രിസ്‌ക് സ്ഥാപകൻ കമാൻഡർ സൈജു അരവിന്ദ്, ഓർഗ്ലെൻസിലെ സന്തോഷ് ബാബു എന്നിവർ നേതൃത്വം നൽകി. ഡി.എ.വി (DAV) ഇൻസ്റ്റിറ്റിയൂഷൻസ് റീജിയണൽ ഹെഡ് മിനു അഗർവാൾ ചടങ്ങിൽ മുഖ്യാതിഥിയായി പങ്കെടുത്ത് സംസാരിച്ചു.

ഐക്യരാഷ്ട്രസഭയുടെ സുസ്ഥിര വികസന ലക്ഷ്യങ്ങൾക്ക് (UN SDG 4) അനുസൃതമായി, 2030-ഓടെ 1,000 ഇൻക്ലൂസീവ് സ്‌കൂൾ ലീഡർമാരെ വാർത്തെടുക്കാനാണ് എഡ്യൂബ്രിസ്‌ക് ലക്ഷ്യമിടുന്നത്. ഇതിലൂടെ ഏകദേശം 10 ലക്ഷം വിദ്യാർഥികൾക്കും ഒരു ലക്ഷം അധ്യാപകർക്കും പ്രയോജനം ലഭിക്കുമെന്നും എഡ്യൂബ്രിസ്‌ക് വക്താക്കൾ അറിയിച്ചു. കേരളം, കർണാടക, മിഡിൽ ഈസ്റ്റ് എന്നിവിടങ്ങളിൽ ഈ വർഷം തന്നെ സമാനമായ നേതൃത്വ പരിശീലന പരിപാടികൾ സംഘടിപ്പിക്കുമെന്ന് അധികൃതർ വ്യക്തമാക്കി.

കഴിഞ്ഞ പത്ത് വർഷമായി ഇന്ത്യയിലും മിഡിൽ ഈസ്റ്റിലുമായി പ്രവർത്തിക്കുന്ന എഡ്യൂബ്രിസ്‌ക്, വിദ്യാഭ്യാസ ഗുണനിലവാരം ഉയർത്തുന്നതിനായി പ്രവർത്തിക്കുന്ന പ്രമുഖ ആഗോള എഡ്-ടെക് സ്ഥാപനമാണ്.

Content Highlights: EduBrisk`s 3-day retreat empowers CBSE school leaders with inclusive classroom strategies, neuroscience-based teaching, and data-driven management for UN SDG 4.