മരിച്ചവർ തിരിച്ചുവരുമോ....? 'മരണാനന്തര' ജീവിതാനുഭവങ്ങൾ...

ലോകപ്രശസ്ത കുറ്റാന്വേഷക നോവലിസ്റ്റായ ആർതർ കോനൻ ഡോയൽ തന്റെ സൂപ്പർനായകനായ ഷെർലക് ഹോംസിനെ 'മരിച്ച'തിന് ശേഷം തിരിച്ചുകൊണ്ടുവന്നത് സാഹിത്യ ചരിത്രത്തിലെ വലിയ കൗതുകമാണ്. കുറച്ചുകൂടി ഗൗരവമുള്ള എഴുത്തിന്റെ വഴിയിലേക്ക് തിരിയാൻവേണ്ടി 'ദ ഫൈനൽ പ്രോബ്ളം' എന്ന കഥയിൽ ഹോംസ് മരിച്ചതായി അവതരിപ്പിക്കുകയായിരുന്നു. എന്നാൽ വായനക്കാരുടെ കടുത്ത നിർബന്ധം കാരണം 'ദ അഡ്വഞ്ചർ ഓഫ് ദ എംറ്റി ഹൗസ്' എന്ന കഥയിൽ അദ്ദേഹത്തെ പുനർജീവിപ്പിപ്പിക്കേണ്ടിവന്നു. ഒരു കഥാപാത്രത്തെ വായനക്കാർ എത്രത്തോളം ആഴത്തിൽ നെഞ്ചോടുചേർത്തു എന്നതിന്റെ തെളിവാണിത്. ഇത് സാഹിത്യത്തിലെ കാര്യമാണെങ്കിൽ യഥാർത്ഥ ജീവിതത്തിൽ ഇങ്ങനെ മരിച്ചതിന് ശേഷം തിരിച്ചുവന്നുവെന്ന് അവകാശപ്പെടുന്ന കഥകൾ എത്രയോ ഉണ്ട്. അത്തരക്കാർ പറയുന്ന അനുഭവങ്ങൾക്ക് ഒട്ടേറേ സമാനതകളുമുണ്ട്. മരിച്ചതിന് ശേഷം തിരിച്ചുവരിക എന്നത് ശാസ്ത്രീയമായി അസംഭവ്യമാണെങ്കിലും അത്തരം അവകാശവാദങ്ങളുയർത്തുന്ന കഥകൾ എക്കാലവും ജനകീയമാണ്. കേട്ടിരിക്കാൻ കൗതുകവും ആകാംക്ഷയുമുണർത്തുന്ന ഇത്തരം കഥകൾക്ക്, കഥകൾ മെനയുകയും പറയുകയും ചെയ്യുന്ന ഏക ജീവിയെന്ന നിലയിൽ മനുഷ്യർക്കിടയിൽ വലിയ സ്വാധീനവുമുണ്ട്. മുൻ ജസ്റ്റിസ് വി.ആർ. കൃഷ്ണയ്യർ, തന്റെ മരിച്ചുപോയ ഭാര്യയോട് സംസാരിച്ചതും മുൻ ഡി.ജി.പി. അലക്സാണ്ടർ ജേക്കബ്ബ് പ്രേതത്തെ ഉപയോഗിച്ച് കുറ്റം തെളിയിച്ചതുമായ കഥകൾ കേട്ട് ത്രസിച്ചിരിക്കുന്നവർ ഇക്കാലത്തുമുണ്ട് എന്നോർക്കണം. ഇതുപോലെത്തന്നെയാണ് മരണാസന്നാനുഭവങ്ങളും (Near death Experience). മരണത്തെ നേർക്കുനേർ കണ്ട് തിരിച്ചുവന്നു എന്നു തോന്നിക്കുന്ന അനുഭവങ്ങൾ. ഇതൊക്കെ അനുഭവിക്കുന്നവരെ സംബന്ധിച്ചിടത്തോളം അത് യഥാർത്ഥ അനുഭവം തന്നെയാണ്. വലിയൊരു ശതമാനവും ഇതെല്ലാം ശരിക്കും അനുഭവിച്ചവരാണ്. ആ അനുഭവങ്ങളെ നിഷേധിക്കാൻ നമുക്കാവില്ല, എന്നാൽ ഇന്ന് ശാസ്ത്രീയമായി അതിനെയെല്ലാം വിശദീകരണമുണ്ടെന്ന് മാത്രം. അത്തരം ചില അനുഭവ കഥകൾ കേൾക്കാം.

കൊല്ലപ്പെട്ടയാൾ കൊലയാളിയെ ചൂണ്ടിക്കാണിക്കുന്നു...

Content Highlights: Examination of famous near-death and afterlife experience claims from around the world., Scientific and neurological explanations including cryptomnesia and temporal lobe functions., Comparison of cultural influences on what people experience during comas or near-death states.