ബാങ്ക് ഓഫ് ഇന്ത്യയില്‍ അവസരം; ഉയർന്ന ശമ്പളം, എന്‍ജിനിയറിങ് ബിരുദമടക്കമുള്ളവർക്ക് അപേക്ഷിക്കാം
മുംബൈ ആസ്ഥാനമായുള്ള പൊതുമേഖലാ ബാങ്കായ ബാങ്ക് ഓഫ് ഇന്ത്യയില്‍ സ്പെഷ്യലിസ്റ്റ് ഓഫീസര്‍മാരുടെ ഒഴിവിലേക്ക് അപേക്ഷ ക്ഷണിച്ചു.
115 ഒഴിവുണ്ട്. എന്‍ജിനിയറിങ് ഉള്‍പ്പെടെയുള്ള ബിരുദം/ബിരുദാനന്തര ബിരുദവും പ്രവൃത്തിപരിചയവുമുള്ളവര്‍ക്കാണ് അവസരം.
തസ്തികകളും ഒഴിവും
ചീഫ് മാനേജര്‍-15, സീനിയര്‍ മാനേജര്‍-54, മാനേജര്‍/ ലോ ഓഫീസര്‍ - 46.
ശമ്പളം
ചീഫ് മാനേജര്‍ക്ക് 1,02,300-1,20,940, സീനിയര്‍ മാനേജര്‍ക്ക് 85,920-1,05,280 രൂപ, മാനേജര്‍/ ലോ ഓഫീസര്‍ 64,820-93,960.
പ്രായം
ചീഫ് മാനേജര്‍ക്ക് 28-40, സീനിയര്‍ മാനേജര്‍ക്ക് 28-37, മാനേജര്‍/ലോ ഓഫീസര്‍ക്ക് 25-32. സംവരണ വിഭാഗക്കാര്‍ക്ക് നിയമാനുസൃത വയസ്സിളവ് ലഭിക്കും.
യോഗ്യത, പ്രവൃത്തിപരിചയം എന്നിവ സംബന്ധിച്ച വിവരങ്ങള്‍ക്ക് വെബ്സൈറ്റിലെ വിജ്ഞാപനം കാണുക.
തിരഞ്ഞെടുപ്പ്
ഓണ്‍ലൈന്‍ എഴുത്തുപരീക്ഷയും അഭിമുഖവും നടത്തിയായിരിക്കും തിരഞെഞ്ഞെടുപ്പ്. ഇംഗ്ലീഷ് ലാംഗ്വേജ് (25 മാര്‍ക്ക്) പ്രൊഫഷണല്‍ നോളജ് (100 മാര്‍ക്ക്) എന്നിവയില്‍നിന്നായിരിക്കും ചോദ്യങ്ങള്‍.
അപേക്ഷകരുടെ എണ്ണം പരിഗണിച്ചാണ് ഓണ്‍ലൈന്‍ പരീക്ഷ ആവശ്യമാണോ എന്ന് തീരുമാനിക്കുക. പരീക്ഷ നടത്തുന്ന പക്ഷം തിരുവനന്തപുരം ഉള്‍പ്പെടെയുള്ള സ്ഥലങ്ങളില്‍ പരീക്ഷാകേന്ദ്രം അനുവദിക്കും.
ഫീസ്
എസ്.സി, എസ്.ടി. വിഭാഗക്കാര്‍ക്കും ഭിന്നശേഷിക്കാര്‍ക്കും 175 രൂപ, മറ്റുള്ളവര്‍ക്ക് 850 രൂപ. ഓണ്‍ലൈനായാണ് ഫീസ് അടയ്‌ക്കേണ്ടത്.
അപേക്ഷ
ഓണ്‍ലൈനായി അപേക്ഷിക്കണം. അവസാന തീയതി: നവംബര്‍ 30. വിശദവിവരങ്ങള്‍ക്ക് https://bankofindia.bank.in എന്ന വെബ്സൈറ്റ് സന്ദര്‍ശിക്കുക.
(തൊഴിൽവാർത്തയിൽ പ്രസിദ്ധീകരിച്ചത്)
Content Highlights: Bank of India announces Specialist Officer vacancies for Engineering graduates. Age, eligibility, salary, and application details inside. Apply online before Nov 30th.