രുചിയില്ലെന്ന് ആര് പറഞ്ഞു! മാസം 1.5 ലക്ഷം വരുമാനവും; രമാഭായിയുടെ പൊന്നുവിളയുന്ന ഡ്രാഗൺ പഴത്തോട്ടം

'ഡ്രാഗൺ ഫ്രൂട്ടിന് രുചിയില്ലെന്ന് ആര് പറഞ്ഞു?' ചോദിക്കുന്നത് ഒരു ഡ്രാഗൺ ഫ്രൂട്ട് കർഷകയാണ്, രമാഭായി. ജൈവവളം നൽകി വളർത്തുന്ന ഡ്രാഗൺ ചെടിയുടെ പഴങ്ങൾക്ക് നല്ല സ്വാദാണെന്ന് ജോലിയിൽനിന്ന് വിരമിച്ച ശേഷം കൃഷിയിലേക്കിറങ്ങിയ ഈ കർഷക സാക്ഷ്യപ്പെടുത്തുന്നു.  അല്ലെങ്കിൽ ഇത്ര വിലകൊടുത്ത് തന്റെ പക്കൽനിന്ന് ആളുകൾ സ്ഥിരമായി ഡ്രാഗൺ ഫ്രൂട്ട് വാങ്ങുമോ എന്നാണ് അവർ ചോദിക്കുന്നത്. പാകമാകാത്ത പഴം പറിച്ചുവെച്ച് പഴുപ്പിക്കുന്നതാകാം രുചിക്കുറവ് അനുഭവപ്പെടാൻ കാരണമെന്നാണ് തന്റെ അനുഭവത്തിൽനിന്ന് അവർ പറയുന്ന്. കൊല്ലം ചാത്തന്നൂരിലെ രമാഭായിയുടെ വീട്ടിലെത്തിയാൽ പറമ്പിലും മട്ടുപ്പാവിലും പൂത്തുലഞ്ഞ് പാകമെത്തിനിൽക്കുന്ന നൂറുകണക്കിന് ഡ്രാഗൺ പഴച്ചെടികൾ കാണാം. രണ്ട് വർഷം മുമ്പാണ് ഡ്രാഗൺ കൃഷിയിലേക്ക് ഇറങ്ങിയത്. ആദ്യം വീടിനോട് ചേർന്നുള്ള അഞ്ച് സെന്റിലായിരുന്നു കൃഷി. അത് വിജയിച്ചതോടെ ടെറസിൽ ഡ്രമ്മുകളിൽ കൃഷിയിറക്കി. അതിലും വിജയം ആവർത്തിച്ചതോടെ, ആവേശമായി. എട്ട് വർഷം നട്ടുനനച്ച റബർ മരങ്ങൾ വെട്ടി മാറ്റി 80 സെന്റിൽ ഡ്രാഗൺ ഫ്രൂട്ട് ചെടികൾ നട്ടു. രമാഭായി കൃഷി ചെയ്തുണ്ടാക്കുന്ന പഴങ്ങൾക്ക് ആവശ്യക്കാരേറെയാണ്. ആളുകൾ വീട്ടിൽവന്ന് വാങ്ങുന്നതിനാൽ വിൽപ്പനയെക്കുറിച്ചും ആശങ്കകളില്ല. പഴങ്ങൾക്ക് പുറമേ തണ്ടിനും തൈകൾക്കും ആവശ്യക്കാരുണ്ട്. അതിനാൽ തന്നെ കൃഷി ലാഭകരമായി കൊണ്ടുപോകാൻ പ്രയാസമുണ്ടാവില്ലെന്നാണ് ഈ കർഷകയുടെ അഭിപ്രായം. 

റിട്ടയർമെന്റിന് ശേഷം തുടങ്ങിയ കൃഷി 

Content Highlights: Ramabhai, a retired teacher, shares her successful dragon fruit farming journey.