ഹംഗറിയിൽ ആര് വാഴും? നോറിസിന്റെ കുതിപ്പിനെ വെർസ്റ്റാപ്പനും ഹാമിൽട്ടണും തളയ്ക്കുമോ?

ഫോർമുല വൺ ആരാധകർ ആകാംക്ഷയോടെ കാത്തിരിക്കുന്ന ഹംഗേറിയൻ ഗ്രാൻഡ് പ്രിക്സ് ബുഡാപെസ്റ്റിലെ ഹങ്കാരോറിങ് ട്രാക്കിൽ നടക്കാനിരിക്കുകയാണ്. പോയിന്റ് പട്ടികയിലും റേസിംഗ് ലോകത്തും വലിയ ചലനങ്ങൾ സൃഷ്ടിക്കാൻ പോകുന്നുവെന്ന് ആരാധകർ വിശ്വസിക്കുന്ന റേസ് ആണിത്.

ഹങ്കാരോറിംഗ് ട്രാക്ക് ലേയൗട്ടിന്റെ സവിശേഷത കാരണം ‘Monaco without walls’ എന്നാണ് അറിയപ്പെടുന്നത്. സ്ട്രെയിറ്റ് ട്രാക്കുകൾ ഇവിടെ കുറവാണ്. ധാരാളം സ്ലോ, മീഡിയം സ്പീഡ് കോർണറുകളും ഈ ട്രാക്കിന്റെ പ്രത്യേകതയാണ്. അതുകൊണ്ട് തന്നെ കാറുകൾക്ക് പരമാവധി ഗ്രിപ്പും സ്റ്റെബിലിറ്റിയും നൽകുന്ന 'ഹൈ-ഡൗൺഫോഴ്സ്' ഏയറോഡൈനാമിക് സെറ്റപ്പാണ് ടീമുകൾ ഇവിടെ തിരഞ്ഞെടുക്കുന്നത്. ട്രാക്ക് വളരെ ഇടുങ്ങിയതായതുകൊണ്ട് കാറുകളെ ഓവർടേക്ക് ചെയ്യുക എന്നത് അങ്ങേയറ്റം പ്രയാസകരമാണ്. അതിനാൽ ക്വാളിഫയിങ്ങിൽ നേടുന്ന പൊസിഷൻ മത്സരഫലത്തിൽ നിർണായകമാകാറുണ്ട്.