യന്ത്രങ്ങളുടെ പ്രവർത്തനമൊക്കെ പിന്നെ ചുമ്മാ പഠിച്ചതാണോ? ക്രിസ്മസ് കളറാക്കി ജോബിനും സാന്റമാരും
കൊല്ലം:ക്രിസ്മസിന് വീടുകളിൽ പുൽക്കൂടൊരുക്കുന്നത് പതിവാണ്. കുഴിമതിക്കാട് പികെപി കവല റോഡ് ചുരുളത്താഴതിൽ ജോബിൻ ജോസ് ഒരു മൂന്നാല് പടികൂടി കയറി ചിന്തിച്ചു. ഐടിഐ മെഷീനിസ്റ്റ് കോഴ്സിൽ പഠിച്ച യന്ത്രങ്ങളുടെ പ്രവർത്തനംതന്നെ എടുത്തലക്കി.
ഒന്നും രണ്ടുമല്ല, ജോബിൻതന്നെയുണ്ടാക്കിയ നാല് സാന്റക്ലോസുമാരാണ് ജോബിന്റെ വീടിനുചുറ്റും തുള്ളിച്ചാടി ക്രിസ്മസ് കളറാക്കുന്നത്. ഇപ്പോൾ ഇതുവഴി പോകുന്ന ആരും ജോബിന്റെ വീടിനു മുന്നിലെത്തുമ്പോഴൊന്നു നിൽക്കും. ശരിക്കും ക്രിസ്മസ് ഇവിടാണെന്ന് അറിയാതെ പറഞ്ഞുപോകും.