രക്തം പോലെ ചുവന്ന നിറം, കടുത്ത ദുർഗന്ധം; സാരന്ദി നദിയുടെ മാറ്റത്തിന് കാരണമെന്ത്?

ഒന്ന് ഇരുട്ടി വെളുത്തപ്പോഴേക്കും ഒരു ജലസ്രോതസ് മുഴുവനും രക്തം കലർന്നെന്ന പോലെ ചുവന്ന നിറം. ഒപ്പം അസഹനീയമായ ദുർ​ഗന്ധവും. അർജന്റീനയുടെ തലസ്ഥാനമായ ബ്യൂണസ് ഐറിസിലെ സാരന്ദി കനാലിന്റെ ഇപ്പോഴത്തെ സ്ഥിതിയാണിത്.

കടുത്ത ദുർ​ഗന്ധം അനുഭവിച്ചുകൊണ്ടാണ് റിയോ ഡി ലാ പ്ലാറ്റ മേഖലയിലെ പ്രദേശവാസികള്‍ കഴിഞ്ഞദിവസം ഉറക്കമുണർന്നത്. ദുർ​ഗന്ധത്തിന്റെ ഉറവിടം അന്വേഷിച്ചുപോയപ്പോഴാണ് സാരന്ദിയിലെ വെള്ളം ചുവന്നിരിക്കുന്നതായി കണ്ടത്. വെള്ളത്തിന്റെ നിറംമാറ്റത്തിന്റെ യഥാർത്ഥ കാരണമെന്തെന്ന് ഇതുവരെയും വ്യക്തമായിട്ടില്ല.