പൊളിച്ചുനീക്കുന്നതിനിടെ കമാനം ജെ.സി.ബിക്ക് മുകളിലേക്ക് വീണു; ഓപ്പറേറ്റർക്ക് ദാരുണാന്ത്യം

മധുരയിൽ പൊളിച്ചുനീക്കിക്കൊണ്ടിരിക്കേ കമാനം ജെ.സി.ബിക്കുമുകളിലേക്ക് മറിഞ്ഞ് ഓപ്പറേറ്റർക്ക് ദാരുണാന്ത്യം. മധുരൈ മാട്ടുത്താവണി ഒമ്നി ബസ് സ്റ്റാൻഡിന് സമീപത്തെ നക്കീരൻ കമാനമാണ് തകർന്നത്. ചിന്താമണി സ്വദേശിയായ നാ​ഗലിം​ഗം ആണ് മരിച്ചത്

സാമ്പകുളം സ്വദേശിയായ കോൺട്രാക്റ്റർ നല്ലതമ്പിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. മതിയായ സുരക്ഷയൊരുക്കാതെയാണ് പ്രവൃത്തി നടത്തിയതെന്ന് ആക്ഷേപം ഉയർന്നിട്ടുണ്ട്. 

രൂക്ഷമായ ​ഗതാ​ഗതക്കുരുക്കിന് കാരണമാകുന്നു എന്ന് പരാതി ഉയർന്നതിനെത്തുടർന്ന് കമാനം പൊളിച്ചുനീക്കണമെന്ന് കോടതി ഉത്തരവിട്ടിരുന്നു. ഇതിനെത്തുടർന്നാണ് കമാനം പൊളിച്ചുനീക്കുന്ന ജോലികൾ ആരംഭിച്ചത്. ഇതിനിടെയാണ് അപകടം നടന്നത്.