ലോകത്തെ ഏറ്റവും മലിനനഗരമായി ലാഹോര്‍; കൃത്രിമ മഴ പെയ്യിക്കാന്‍ ആലോചിച്ച് പാക് സര്‍ക്കാര്‍
ലോകത്തെ ഏറ്റവും മലിനമായ നഗരമായി പാകിസ്താന്റെ ലാഹോര്‍. ലാഹോറിലെ വായുഗുണനിലവാര സൂചിക അഥവാ (എ.ക്യൂ.ഐ) 394 എന്ന ഏറ്റവും അപകടകരമായ നിരക്കിലാണ്. വായുമലിനീകരണത്തെ തുടര്‍ന്നുണ്ടായ പുകമഞ്ഞില്‍ നിന്ന് രക്ഷപ്പെടാന്‍ കൃത്രിമ മഴപെയ്യിക്കാന്‍ ആലോചിക്കുകയാണ് സര്‍ക്കാര്‍.
വിളവെടുപ്പിനുശേഷം കൃഷിയിടങ്ങളില്‍ തീയിടുന്നതും വ്യാവസായിക മലിനീകരണവുമാണ് ലഹോറില്‍ പുകമഞ്ഞിന് കാരണമായത്. അന്തരീക്ഷത്തിലെ മഞ്ഞിനൊപ്പം സൂക്ഷ്മകണങ്ങളായ മലിനീകാരികളും പുകയും ചേരുമ്പോഴാണ് പുകമഞ്ഞുണ്ടാവുന്നത്.