പുതുതലമുറയെ കളിക്കളത്തില് എത്തിക്കാന് ബാറ്റും ബോളുമെടുത്ത് 'നയന്റീസ് കിഡ്സ്'
കുമരകം: ബാറ്റും ബോളുമായി തൊണ്ണൂറുകളിലെ യുവത്വം വീണ്ടും മൈതാനത്ത് എത്തുന്നു. ഈ വരവ് ക്രിക്കറ്റ് കളിക്കാന് മാത്രമല്ല, ലഹരിക്കും മൊബൈലിനും അടിമപ്പെടുന്ന യുവതലമുറയെ കളിക്കളങ്ങളിലേക്ക് എത്തിക്കുക എന്ന ലക്ഷ്യത്തോടും കൂടിയാണ്.
കുമരകത്ത് മാസ്റ്റേഴ്സ് ക്ലബ് എന്ന പേരിലാണ് 40 കഴിഞ്ഞവര് പുത്തന് ആശയവുമായി ഒന്നിക്കുന്നത്. കളിക്കളങ്ങള് ഇല്ലാതെ വന്നത് കുട്ടികള് മൊബൈല് ഗെയിമുകളിലേക്ക് മാറാന് കാരണമായി. ആവശ്യമുള്ളതും ഇല്ലാത്തതുമായ നിരവധി വിവരങ്ങള് നവമാധ്യമങ്ങളില് ലഭിക്കുന്നു. കുട്ടികളില് പരസ്പര സ്നേഹവും സാഹോദര്യവും വളര്ത്തി മൊബൈല് ഉപേക്ഷിച്ച് കളിക്കളത്തിലേക്ക് എത്തിക്കാന് മാതാപിതാക്കളുടെ സഹകരണമാണ് ആദ്യം വേണ്ടത് ക്ലബ്ബ് ഭാരവാഹികള് പറയുന്നു.