ബ്രാം സ്റ്റോക്കര്‍ രചിച്ച 'ഗിബ്ബെറ്റ് ഹില്‍' 134 വര്‍ഷത്തിനുശേഷം വായനക്കാരിലേക്ക്
ഡ്രാക്കുളയുടെ സ്രഷ്ടാവായ ബ്രാം സ്റ്റോക്കര്‍ രചിച്ച 'ഗിബ്ബെറ്റ് ഹില്‍' എന്ന പ്രേതകഥ 134 വര്‍ഷത്തിനുശേഷം വായനക്കാരിലേക്ക്. അമാനുഷിക കഥാപാത്രത്തെ നായകനായക്കി സ്റ്റോക്കര്‍ രചിച്ച ചെറുകഥ അയര്‍ലന്‍ഡിലെ നാഷണല്‍ ലൈബ്രറിയുടെ ചരിത്രരേഖകളില്‍ നിന്നാണ് കിട്ടിയത്. ചരിത്രകാരനും സ്റ്റോക്കറുടെ കടുത്ത ആരാധകനുമായ ബ്രയാന്‍ ക്ലിയറിയാണ് ഇത് കണ്ടെത്തിയത്.
1890-ല്‍ ഒരു ഐറിഷ് ദിനപത്രത്തില്‍ ഗിബ്ബെറ്റ് ഹില്‍' പ്രസിദ്ധീകരിച്ചിരുന്നു. എന്നാല്‍ പിന്നീട് ഈ കഥ അച്ചടിയില്‍ വന്നതേയില്ല. സ്റ്റോക്കറുടെ കൃതികളുടെ ശേഖരത്തിലും ഇതിന്റെ പേരില്ലായിരുന്നു.