ഇന്ത്യയില്‍ ഒന്നാമന് വിവോ, ഷഓമിയെ പിന്തള്ളി ആപ്പിള്‍ ആദ്യ അഞ്ചില്‍
ഇന്ത്യയില്‍ ഏറ്റവും കൂടുതല്‍ വിറ്റഴിക്കുന്ന സ്മാര്‍ട്ട്‌ഫോണ്‍ ഏതാണ്? പട്ടികയിലെ ഒന്നാമന് ഇത്തവണയും മാറ്റമൊന്നുമില്ല. ചൈനീസ് ബ്രാന്‍ഡായ വിവോ തന്നെ. രണ്ടാമന്‍ സാംസങ്. ഓപ്പോ, റിയല്‍മി എന്നിവയാണ് മൂന്നും നാലും സ്ഥാനങ്ങളില്‍. അതേസമയം ഷഓമിയെ പിന്തള്ളി ആപ്പിള്‍ ആദ്യ അഞ്ചില്‍ ഇടംപിടിച്ചു.
2025 ആദ്യപാദത്തിലെ കണക്കുകള്‍ പുറത്തുവന്നപ്പോഴാണ് ആപ്പിളിന്റെ മുന്നേറ്റം. 9.5 ശതമാനം വിപണി വിഹിതം ആപ്പിളിനുണ്ട്. മുന്‍ വര്‍ഷം ഇതേ കാലയളവില്‍ ഇത് 7.3 ശതമാനമായിരുന്നു. ആപ്പിള്‍ ഉത്പന്നങ്ങളോട് ഇന്ത്യയിലെ ഉപഭോക്താക്കള്‍ക്ക് പ്രിയമേറുന്നതും ഫിനാന്‍സ് സ്‌കീമുകളുമാണ് ഐഫോണിന്റെ വില്‍പ്പന ഉയരാന്‍ സഹായിച്ചതെന്നാണ് ഗവേഷണ സ്ഥാപനമായ ഐഡിസി വ്യക്തമാക്കുന്നത്.