'തലയ്ക്ക് മുകളിൽ 50 തേനീച്ചയുണ്ടായിരുന്നു'; സബ് കളക്ടറേയും വെറുതേവിട്ടില്ല, കുത്തേറ്റത് 200 പേർക്ക്

തിരുവനന്തപുരം: കുടപ്പനക്കുന്ന് സിവിൽ സ്റ്റേഷനിൽ ബോംബുഭീഷണിയെത്തുടർന്ന് പരിശോധന നടത്തവേ, തേനീച്ചക്കൂടിളകി കുത്തേറ്റ് 200-ഓളം പേർക്ക് പരിക്ക്. സാരമായി പരിക്കേറ്റ എട്ടുപേരെ മെഡിക്കൽ കോളേജിലും 79 പേരെ പേരൂർക്കട ജനറൽ ആശുപത്രിയിലും പ്രവേശിപ്പിച്ചു. ചൊവ്വാഴ്ച ഉച്ചയ്ക്ക് 12.30-ഓടെയാണ് കളക്ടറുടെ ഔദ്യോഗിക ഇ-മെയിലിലേക്ക് ബോബുഭീഷണി എത്തിയത്. പാർലമെന്റ് ആക്രമണ കേസ് പ്രതി അഫ്‌സൽ ഗുരുവിനെ തൂക്കിലേറ്റിയതിന്റെ പ്രതികാരമായി സ്ഫോടനം നടത്തുമെന്നായിരുന്നു സന്ദേശം.

ബോബ് സ്‌ക്വാഡും പോലീസ് സംഘവുമെത്തി ‌പരിശോധന നടത്തുന്നതിനിടയിലാണ് കെട്ടിടത്തിന്റെ അഞ്ചാം നിലയിലുണ്ടായിരുന്ന കൂടിളകി തേനീച്ചകൾ ജീവനക്കാരുടെ നേരേ പറനടുത്തത്. ഇവിടെ മൂന്നു തേനീച്ചക്കൂടുകളാണുണ്ടായിരുന്നു. ഇതിൽ ഒന്നാണ് ഇളകിയത്.