'രാഹുലേ, മോശമാണേ, അയ്യയ്യയ്യേ...'; കൈ നീട്ടി സരിന്, കണ്ടതായി നടിക്കാതെ ഷാഫിയും രാഹുലും
പാലക്കാട്: പാലക്കാട് ഒരു കല്യാണച്ചടങ്ങിനിടെ പരസ്പരം കണ്ടിട്ടും എൽഡിഎഫ് സ്ഥാനാർഥി ഡോ. പി. സരിന് കൈ കൊടുക്കാതെ ഷാഫി പറമ്പിൽ എംപിയും യുഡിഎഫ് സ്ഥാനാർഥി രാഹുൽ മാങ്കൂട്ടത്തിലും. ബിജെപി നേതാവ് നടേശന്റെ മകളുടെ വിവാഹച്ചടങ്ങിലായിരുന്നു സംഭവം. മുൻ കോൺഗ്രസ് നേതാവ് എ.വി. ഗോപിനാഥിന് ഇരുവരും കൈക്കൊടുക്കുകയും ആലിംഗനം ചെയ്യുകയും ചെയ്തെങ്കിലും സരിനെ മൈൻഡ് ചെയ്യാതെ പോകുകയായിരുന്നു.
സരിൻ നിരവധി തവണ രാഹുലേ... എന്ന് വിളിച്ചിട്ടും രാഹുൽ കൈകൊടുക്കാതെ പോകുകയായിരുന്നു. മോശമാണ് രാഹുലെ എന്നും അയ്യയ്യയ്യേ എന്നും പറഞ്ഞ സരിൻ തനിക്കതിൽ കുഴപ്പമില്ലെന്നും ചുറ്റുമുള്ളവരോട് പറഞ്ഞു.