ദൃശ്യം പകർത്തുന്നത് ചോദ്യം ചെയ്തു;കൊട്ടാരക്കരയിൽ ബിവറേജസ് ജീവനക്കാരൻ്റെ തലയിൽ ബിയർകുപ്പി കൊണ്ടടിച്ചു

കൊട്ടാരക്കര: കൊട്ടാരക്കര ബിവറേജസ് ഔട്ട്‌ലെറ്റില്‍ ജീവനക്കാരനെ  ബിയര്‍ കൊണ്ടടിച്ചു. രാത്രി 8.45ഓടെയാണ് സംഭവം. ജീവനക്കാരനായ ബേസിലിനാണ് ഗുരുതരമായി പരിക്കേറ്റത്.  ​മദ്യം വാങ്ങാനെത്തിയ രണ്ടുപേർ ജീവനക്കാരുടെ ദൃശ്യങ്ങൾ മൊബൈലിൽ പകർത്താൻ ശ്രമിച്ചത് ജീവനക്കാർ ചോദ്യം ചെയ്തിരുന്നു. ഇതിൽ പ്രകോപിതരായാണ് ഇവർ അക്രമം നടത്തിയത്. മൊബൈൽ ഫോൺ താഴെയിട്ടത് സംഘർഷത്തിന് കാരണമായി.
​ബഹളം കേട്ട് സ്ഥലത്തെത്തിയ മറ്റ് ജീവനക്കാർ അക്രമികളെ പിടികൂടി പോലീസിൽ ഏൽപ്പിക്കുകയായിരുന്നു. തലയ്ക്ക് പരിക്കേറ്റ ബേസിലിനെ കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു. അക്രമികളെ പോലീസ് കസ്റ്റഡിയിലെടുത്തു. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.

In Short: In Kottarakkara, a beverages outlet employee was seriously injured after being attacked with a beer bottle by two men during a dispute.