കൈയടി നേടി കളക്ടറുടെ തിരുവാതിരയും; റവന്യൂ കലോത്സത്തില്‍ ജേതാക്കളായി തൃശ്ശൂര്‍ ജില്ലാ ടീം
സംസ്ഥാന റവന്യൂ കലോത്സവത്തില്‍ ജേതാക്കളായി തൃശ്ശൂര്‍ ജില്ലാ ടീം. കലാ-കായിക മത്സരങ്ങളിലായി 311 പോയിന്റ് നേടിയാണ് തൃശ്ശൂര്‍ ജില്ല കലോത്സവത്തില്‍ ഒന്നാം സ്ഥാനം നേടിയത്. തിരുവാതിരക്കളിയില്‍ ഒന്നാം സ്ഥാനം നേടി തൃശ്ശൂര്‍ കളക്ടറും സംഘവും പ്രത്യേകം കൈയടി നേടി.
ജില്ലാ കളക്ടര്‍ ഹരിത വി. കുമാറും സംഘവുമാണ് തിരുവാതിരക്കളിയില്‍ ഒന്നാം സ്ഥാനം നേടിയത്. നൃത്തത്തിനായി മേക്കപ്പിട്ട് വേദിയില്‍ കയറിയപ്പോള്‍ സ്‌കൂള്‍ കാലത്തിലേക്ക് തിരിച്ചുപോയ അനുഭവമാണ് ഉണ്ടായതെന്ന് ജില്ലാ കളക്ടര്‍ പ്രതികരിച്ചു.