'എല്ലാത്തിനും അതിന്റേതായ സമയമുണ്ടല്ലോ, കപ്പുമായി വരും' - സച്ചിന്ബേബി; കേരള ടീമിന് വന്വരവേല്പ്
ചരിത്രത്തില് ആദ്യമായി രഞ്ജി ട്രോഫി ഫൈനല് കളിച്ച കേരള ടീമിന് വന് വരവേല്പ്പൊരുക്കി കെ.സി.എ. കേരള ക്രിക്കറ്റ് അസോസിയേഷന് ചാര്ട്ടര് ചെയ്ത സ്വകാര്യ വിമാനത്തിലാണ് ടീം തിരിച്ചെത്തിയത്. സെല്ഫിയെടുത്തും ജയ് വിളിച്ചും ആഘോഷമാക്കിയാണ് വിമാനത്താവളത്തില് ആരാധകര് കേരളടീമിനെ വരവേറ്റത്.
സന്തോഷവും ചെറിയൊരു സങ്കടവും നിറഞ്ഞ നിമിഷമാണിതെന്ന് കേരള ടീം ക്യാപ്റ്റന് സച്ചിന് ബേബി പ്രതികരിച്ചു. റണ്ണേഴ്സപ്പ് ആയതില് സങ്കടമുണ്ട്. എല്ലാം നല്ലതിനായിരിക്കാം. എല്ലാത്തിനും അതിന്റേതായ സമയമുണ്ടല്ലോ, കപ്പുമായി ഇതിലും വലിയ അച്ചീവ്മെന്റോടെ തിരിച്ചുവരും- സച്ചിന് ബേബി പറഞ്ഞു